មណ្ឌលគិរី ៖ មន្ត្រីរាជការព្រមទាំងប្រជាពលរដ្ឋខេត្តមណ្ឌលគិរីបាននាំគ្នាសាទរយ៉ាងខ្លាំងទៅលើគម្រោងសាងសង់ប្រព័ន្ធផ្គត់ផ្គង់ទឹកស្អាតជូនប្រជាពលរដ្ឋប្រើប្រាស់នៅខេត្តមណ្ឌលគិរី។ ក្នុងការវិនិយោគនេះ គឺត្រូវបានប្រើប្រាស់ថវិកាប្រមាណជាង២លៀនដុល្លាររបស់រាជរដ្ឋាភិបាលជប៉ុន បានផ្តល់ហិរញ្ញប្បទានឥតសំណងតាមរយៈមូលនិធិសហប្រតិបត្តិការជប៉ុន អាស៊ាន(JAIF)។ ដោយមានការទុកដាក់ខ្ពស់របស់រាជរដ្ឋាភិបាលកម្ពុជាតែងតែគិតដល់តម្រូវការរបស់ពលរដ្ឋនោះ រដ្ឋាភិបាលកម្ពុជាបានសម្រេចគម្រោងខាងលើនេះមកបំពេញតម្រូវការជូនប្រជាពលរដ្ឋនៅខេត្តមណ្ឌលគិរីតែម្តងទៅ។ ក្រុមហ៊ុនដែលបានដេញថ្លៃឈ្នះគេមានឈ្មោះ គីម ម៉ីច កំពុងទទួលសាងសង់អាគារតាមគំរោងប្លង់មេ នូវប្រព័ន្ធផ្គត់ផ្គង់ទឹកស្អាតនេះ ការសាងសង់បានចាប់ផ្តើមធ្វើការបញ្ចុះបឋមសិលានៅថ្ងៃទី០១ ខែមីនា ឆ្នាំ២០១៥និងបញ្ចប់ការសាងសង់របស់ខ្លួននៅខែមិនា ឆ្នាំ២០១៦ ប្រជាពលរដ្ឋនៅក្នុងក្រុងសែនមនោរម្យ ខេត្តមណ្ឌលគិរី នឹងទទួលបានទឹកស្អាតប្រើប្រាស់ចាប់ពីខែមេសា ឆ្នាំ២០១៦ខាងមុខនេះតទៅហើយ៕
0 Comments