បុរសអូហៃយ៉ូម្នាក់ដែលបានអះអាងស្មោះត្រង់នឹងពួកសកម្មប្រយុទ្ធរដ្ឋឥស្លាម និងត្រូវគេចោទប្រកាន់ពីបទមានគម្រោងវាយប្រហារទៅលើវិមានកាពីតូលបាននិយាយនៅក្នុងបទសម្ភាសន៍ទូរទស្សន៍មួយថា លោកនឹងបាញ់ក្បាលប្រធានាធិបតីបារ៉ាក់អូបាម៉ា។
លោកគ្រីសថប់ហ្វើខនណែល (Christopher Cornell)អាយុ២០ឆ្នាំ បាននិយាយប្រាប់ទូរទស្សន៍ Fox 19WXIX របស់Cincinnati ថាប្រសិនបើលោកមិនត្រូវបានពួកភ្នាក់ងារFBI ចាប់ខ្លួននៅក្នុងខែមករាទេនោះ លោកនឹងរៀបចំគម្រោងដើម្បីបង្កប់គ្រាប់បែកនៅវិមានកាពីតូល និងនៅស្ថានទូតអ៊ីស្រាអែល។
លោកខនណែល បាននិយាយនៅក្នុងបទសម្ភាសន៍តាមទូរស័ព្ទមួយពីសង្កាត់Boone រដ្ឋកេនតាគី នៅថ្ងៃសុក្រថា "តើអ្វីដែលខ្ញុំនឹងធ្វើ? ខ្ញុំនឹងកាន់កាំភ្លើងរបស់ខ្ញុំ ខ្ញុំនឹងតម្រង់ក្បាលរបស់អូបាម៉ា ហើយខ្ញុំនិងកេះកៃកាំភ្លើង"៕
រឹទ្ធ
0 Comments