យោងតាមម្ដាយកុមាររងគ្រោះឈ្មោះ ប៊ិន សារឿន អាយុ៣៧ឆ្នាំ មុខរបរកម្មករអារឈើរ មានទីលំនៅក្នុងភូមិភូមិ/ឃុំព្រៃគគីរ ស្រុកចន្ទ្រា ខេត្តស្វាយរៀង បានប្រាប់ថា មុនពេលកើតហេតុ កូនប្រុសឈ្មោះ ជា ពន្លក អាយុ៥ឆ្នាំ បានរត់ទៅលេងជាមួយកូនអ្នកភូមិដូចសព្វដង ខណៈនោះគាត់ក៏មិនបានចាប់អារម្មណ៍ដែរ ដោយតែងតែយកកូនមកកន្លែងធ្វើការ ព្រោះប្ដីជាប់រវល់ធ្វើការនៅឯស្រុកផ្សេង។
ប្រភពបន្តទៀតថា ដោយរូបគាត់ជាប់រវល់ធ្វើការ រីឯកូនរត់ប្រលែងគ្នា ស្រាប់តែប្រមាណជាកន្លះម៉ោង មានកូនអ្នកភូមិប្រាប់ថា កូនមីងត្រូវរណាអារឈើអារត្រូវចំកំភួនដៃខាងស្ដាំសន្លប់ស្ដូកស្ដឹងបាត់ទៅហើយ។
ក្រោយមកទើបគាត់ប្រញាប់ប្រញាល់រត់ទៅយកកូនប្រុសដឹកតាមម៉ូតូមកកាន់មន្ទីរពេទ្យបង្អែកខេត្តស្វាយរៀងភ្លាមៗតែម្ដង។ រហូតមកដល់រសៀលនេះ ក្មេងប្រុសត្រូវក្រុមគ្រូពេទ្យកំពុងជួយសង្គ្រោះនៅឡើយ៕
ក្មេងប្រុសអាយុ៥ឆ្នាំម្នាក់ ត្រូវរណាអាររយះកំភួនដៃ គួរឲ្យសង្វេគ
0 Comments