ពិធីការិនីមេម៉ាយកូនពីរ ខៀវ សានសាណា និយាយទៀតថា នាងបានចរចាសុំទិញសិទ្ធិម៉ាកសញ្ញាក្រុមហ៊ុនទិញលក់អចលនទ្រព្យដ៏ល្បីល្បាញមកពីប្រទេសអាមេរិក Century21 ដើម្បីបើកដំណើរការក្រុមហ៊ុនទិញ លក់ ជួល និងធ្វើជាអ្នកនាំភ្ញៀវរកស៊ីខាងអចលនទ្រព្យផ្ទាល់ខ្លួន។
អ្នកមេម៉ាយសាច់ខ្ចីគូថទយដូចខ្ទួយរូបនេះបញ្ជាក់ថា ពេលនេះ អ្វីៗបានដំណើរការទៅយ៉ាងរលូន ចំណែកឯកសារក៏បានដាក់ស្នើទៅក្រសួងសេដ្ឋកិច្ចរួចរាល់ ហើយនាងក៏បាន និងកំពុងតែដំឡើងការិយាល័យរើសបុគ្គលិកជាបណ្តើរៗដែរ។
ខៀវ សានសាណា បញ្ជាក់ទៀតថា អ្វីដែលជំរុញឲ្យនាងមានគំនិតបើកក្រុមហ៊ុនរកស៊ីខាងទិញ លក់ ជួល អចលនទ្រព្យនេះ ដោយសារតែបច្ចុប្បន្ននាងសម្លឹងមើលឃើញថា វិស័យអចលនទ្រព្យនៅប្រទេសកម្ពុជាកំពុងតែមានសន្ទុះស្ទុះឡើងគួរឲ្យកត់សម្គាល់។
នាងបញ្ជាក់បន្ថែមថា បន្ទាប់ពីរវល់ការងារសិល្បៈនៅស្ថានីយទូរទស្សន៍ម៉ាយធីវី និងធ្វើជាអ្នករៀបចំកម្មវិធីសិក្ខាសិលាក្រុមហ៊ុនតូច-ធំនោះ នាងក៏បានឆ្លៀតពេលបន្ថែមដើម្បីទៅសិក្សាពីជំនាញទីផ្សារអចលនទ្រព្យនេះ ដើម្បីកុំឲ្យការរកស៊ីរបស់នាងជួបបញ្ហា។ ដោយឡែកទាក់ទងនឹងដើមទុនវិញ អ្នកមេម៉ាយរូបស្រស់ ខៀវ សានសាណា មិនបានបង្ហើយឲ្យ«កម្ពុជាថ្មី»ដឹងនោះឡើយ។
សូមរំលឹកឲ្យដឹងដែរថា ពិធីការិនីដ៏ស្រស់សោភានាង ខៀវ សានសាណា បានរៀបការតាមប្រពៃណីគ្រិស្តសាសនា កាលពីឆ្នាំ២០០៩ ជាមួយបុរសជនជាតិកាណាដាម្នាក់ ឈ្មោះ ដូឡាល់ដ៍ បូវសឺរ មានតួនាទីជាមន្ត្រីបម្រើការងារនៅអង្គការណាតូ។ បន្ទាប់ពីរៀបការហើយ នាងបានរស់នៅប្រទេសកាណាដាប្រកបទៅដោយភាពផ្អែមល្ហែម ដែលរហូតមកដល់ពេលនេះទទួលបាននៅដំណក់ឈាមចំណងដៃអាពាហ៍ពិពាហ៍កូនប្រុសបងឈ្មោះ សេមមី បូវសឺរ អាយុជាង៣ខួប និងកូនស្រីពៅឈ្មោះ ដូនណា បូវសឺរ។ ក្រោយពេលចែកផ្លូវគ្នាជាមួយប្តីអស់រយៈពេលជាច្រើនឆ្នាំមកនេះគេសង្កេតឃើញអ្នកមេម៉ាយចាយរាងនាង ខៀវ សានសាណា ហាក់បីដូចជាមានយីអ៊ុនឡើងស្រឺតៗតែម្ដង ទាំងការងាររកស៊ី ទាំងអាជីពសិល្បៈ ក៏ដូចជារឿងស្នេហា ដែលពេលនេះលេចឮដំណឹង ល្ហៀងៗថា មាននាយកក្រុមហ៊ុនបរទេសមួយនៅស្រុកខ្មែរកំពុងតាមចែចូវផងដែរ៕
ខៀវ សានសាណា បដិសេធថា មិនមានអ្នកណាជួយជ្រោមជ្រែងក្នុងការបើកក្រុមហ៊ុន
0 Comments