ភ្នំពេញ ៖ លោកទេសរដ្ឋមន្ត្រី ឱម យ៉ិនទៀង ប្រធានអង្គភាពប្រឆាំងអំពើពុករលួយ បានអះអាងថា សំណុំរឿង អតីតប្រធានសាលាដំបូងរាជធានីភ្នំពេញ លោក អាំង មាលតី នឹងត្រូវកាត់ជាកង់ៗដើម្បីសម្រេចថា រឿងណាដែលអាចបញ្ចប់បាន និងអាចបញ្ជូនទៅបានមុន យើងនឹងបញ្ជូនទៅសិន។
លោកទេសរដ្ឋមន្ត្រី ឱម យ៉ិនទៀង បែបនេះកាលពីវេលាម៉ោង១១ និង១៥ នាទីថ្ងៃទី២២ ខែកក្កដា ឆ្នាំ២០១៥ មុននេះ។ លោកថ្លែងថា “រឿងនេះស្មុគស្មាញណាស់ ហើយប្អូនគិតចឹង ខ្ញុំពិបាកប៉ុណ្ណា ប្អូនជាអ្នកកាសែតក៏ពិបាកប៉ុណ្ណឹងដែរ ពីព្រោះមនុស្សមិននៅស្ងៀមទេ មនុស្សមិនមែនតុកៅអីទេ មនុស្សគេមានប្រាជ្ញា មានលុយកាក់ មានកម្លាំង ដូច្នេះរឿងនេះយើងខ្ញុំ នឹងខិតខំកាត់វាកង់ៗ ដើម្បីអ្វីដែលទៅមុនបាន យើងនឹងទៅមុន មិនអាចរង់ចាំច្រើនពេកទេ ប្អូនៗអ្នកកាសែត ក៏រង់ចាំខ្ញុំ ហើយយើងខ្ញុំក៏ត្រូវការរង់ចាំពីការស៊ើបអង្កេតទៀត ដូច្នេះយើងខ្ញុំ នឹងកាត់វាកង់ៗ គឺរឿងណាដែលអាចបញ្ចប់បាន អាចបញ្ជូនទៅបានយើងខ្ញុំនឹងបញ្ជូនទៅសិន៕
លោក ឱម យ៉ិនទៀង ៖ សំណុំរឿងប្រធានសាលាដំបូងរាជធានីភ្នំពេញ នឹងត្រូវកាត់ជាកង់ៗ ដើម្បីសម្រេច
0 Comments