ភ្នំពេញ ៖ បុរសម្នាក់ដែលអ្នកភូមិនិយាយថា ស្រវឹងខួបស្ទើររាល់ថ្ងៃនោះ បន្ទាប់ពីផឹកស្រាស្រវឹងជោកជាំគ្រាន់តែម្ដាយក្មេកខឹងនិយាយ មិនស្ដាប់យករំពាត់ឆ្មាតូចទៅវាយចំដៃបន្ដិចបែរជាបុរសនេះទាញយកដំបងឈើជ្រុងធ្វើពីដើមត្នោតទៅវាយក្បាលម្ដាយចាស់បែកក្បាល និងគ្រិចហើមកដៃលោកយាយថែមទៀត។
ហេតុការណ៍នេះកាលពីវេលាវេលាម៉ោង ១១និង ០៥នាទីថ្ងៃទី២៦ខែកក្កដាឆ្នាំ២០១៥នៅចំណុចភូមិកណ្តោស ឃុំលំហាចស្រុកអង្គស្នួល។ ជនរងគ្រោះ ឈ្មោះញឹម រុន ភេទស្រី អាយុ៧៦ឆ្នាំ នៅភូមិកណ្តោសឃុំ លំហាច ស្រុកអង្គស្នួល ខេត្តកណ្តាល មុខរបរកសិករ ត្រូវជាម្ដាយក្មេករបស់ជនល្មើស។ ជនល្មើស ឈ្មោះ អ៊ុងតាំង ភេទប្រុស អាយុ ៤៥ឆ្នាំ នៅភូមិកណ្តោសឃុំ លំហាច ស្រុកអង្គស្នួល ខេត្តកណ្តាល មុខកសិករ។ វត្ថុតាងដកហូតដំបងធ្វើពីដើមត្នោតជ្រុង ១ប្រវែង ១.៤៥ ម៉ែត្រតាមប្រភពព័ត៌មានបានឲ្យដឹងថា នៅមុនពេលកើតហេតុជនសង្ស័យ បានចេញផឹកស្រានៅក្នុងភូមិលុះពេលត្រឡប់មកវិញមានភាពស្រវឹងស្រា ក៏បានប្រមាថទៅលើជនរងគ្រោះដែលជាម្តាយក្មេក។ ពេលនោះជនរងគ្រោះជាម្តាយបានយករំពាត់តូចវាយត្រូវដៃជនសង្ស័យ ហើយជនសង្ស័យបានយក បន្ទះត្នោតជ្រុង វាយទៅលើជនរងគ្រោះបណ្តាលឲ្យរងរបួសត្រង់ក្បាលខាងឆ្វេងរយះប្រវែង៣សង់ទីម៉ែត្រ និងហើមករដៃខាងឆ្វេង។ អ្នកភូមិនិយាយថា ជនដៃដល់ជាមនុស្សស្រវឹងស្រាស្ទើររាល់ថ្ងៃហើយពេលនេះនគរបាលបានកសាងឯកសារបញ្ជូនជនសង្ស័យឲ្យតុលាការចាត់ការបន្ដ៕
កូនប្រសាស្រវឹងខួបហ៊ានយកដំបងធ្វើពីដើមត្នោត វាយក្បាលម្ដាយក្មេកអាយុ៧៦ឆ្នាំរយះក្បាល
0 Comments