លោក ឈុន ចាន់ណារិន អ្នកទទួលខុសត្រូវការងារប្រលងអូឡាំព្យាដ នៃក្រសួងអប់រំយុវជននិងកីឡាបានមាន ប្រសាសន៍ឲ្យឲ្យដឹង កាលពីថ្ងៃទី២១ ខែកក្កដាថា ចំនួនបេក្ខជនចូលរួមប្រលងឌីប្លូមនៅឆ្នាំនេះមានចំនួនប្រហាក់ ប្រហែលនឹងឆ្នាំ២០១៤កន្លងទៅដែរ។
ការប្រឡងមធ្យមសិក្សាបឋមភូមិកាលពីឆ្នាំទៅក្រសួង បានរៀបចំប្រលងរយៈពេល២ថ្ងៃគឺនៅ ថ្ងៃទី១៤និង១៥ខែកក្តដាឆ្នាំ២០១៤ ដោយមានបេក្ខជនចូលរួមប្រឡងចំនួនប្រមាណ១៤ម៉ឺននាក់នៅតាមសាលាចំនួន១៥៧៦សាលានៅទូទាំងប្រទេសហើយក្រសួងបានចំណាយថវិកាប្រមាណ៥ពាន់លានរៀល។ចំពោះសាលាឯកជន ដែលមានសិស្សត្រូវប្រលងឌីប្លូមដែរនោះ ក្រសួងបានអនុញ្ញាតិឲ្យសាលាបញ្ជួនសិស្សចូលរួមប្រលងនៅតាមសាលាណា ដែលនៅជិតសាលារបស់ខ្លួនតែម្តង។
លោក ឈុន ចាន់ណារិន បានបន្តថា ចំពោះការចំណាយនៅឆ្នាំក៏មិនខុសពីឆ្នាំមុននោះទេ គឺក្រសួងគ្រោងចំណាយប្រមាណ៥ពាន់លានរៀលស្មើនឹងជាង១លានដុល្លាអាមេរិក។ ចាប់តាំងពីមានការកែទំរង់ឲ្យសាលានីមួយៗរៀបចំការប្រឡងឌីប្លូម ដោយខ្លួនឯងរួចមកបានធ្វើឲ្យកាចំណាយលើការប្រឡងឌីប្លូមមានការថយចុះគួរឲ្យគត់សំគាល់។
លោកបានបន្ថែមថា ការថយចុះនូវការចំណាយនេះ គឺដោយសារតែក្រសួងបានផ្លាស់ប្ដូរការប្រឡងពីការឲ្យមន្ទីរអប់រំយុវជននិងកីឡារាជធានីខេត្តរៀបចំជំនួសឲ្យសាលានីមួយៗជាអ្នករៀបចំវិញ។ការដែលឲ្យសាលារៀបចំការប្រលងដោយខ្លួនឯងនេះ បានកាត់បន្ថយការចំណាយបានយ៉ាងច្រើនគឺប្រមាណ១០ពាន់លានរៀលដោយជារៀងរាល់ឆ្នាំ ក្រសួងត្រូវចំណាយលើការរៀបចំប្រលងឌីប្លូមប្រមាណជា១៥ពាន់លានរៀល។
ប្រលងឌីប្លូមនៅឆ្នាំនេះក្រសួងអប់រំយុវជននិងកីឡា បានចេញសេចក្តីជួនដំណឹងរួចហើយដោយឲ្យសាលានីមួយៗជាអ្នករៀបចំការប្រឡង ចំណែកក្រសួងជាអ្នកត្រួតពិនិត្យពីលើតែប៉ុណ្ណោះ។ ចំណែកការប្រឡងសញ្ញាបត្រមធ្យសិក្សាទុតិយភូមិ ឬបាក់ឌុបនៅឆ្នាំនេះការប្រឡងសញ្ញាបត្រមធ្យមសិក្សាទុតិយភូមិចំណេះទូទៅ និងបំពេញវិជ្ជានៅឆ្នាំនេះនឹង ប្រព្រឹត្តទៅនាសម័យប្រឡងថ្ងៃទី ២៤ ខែសីហាឆ្នាំ ២០១៥ ដែលមានថ្នាក់វិទ្យាសាស្ត្រ និងថ្នាក់វិទ្យាសាស្ត្រសង្គមរួមមានបេក្ខជនប្រឡងសរុប ៨៨៤៨៨ នាក់ និងមានមណ្ឌលប្រឡង ១៤៩ មណ្ឌលចែកចេញជា ៣៥៧៦ បន្ទប់នៅរាជធានីខេត្តទាំង ២៥រាជធានីខេត្ត ដោយគ្រោងនឹងចំណាយថវិកាប្រមាណ ១២ពាន់លានរៀលស្មើ នឹងចំនួន៣លានដុល្លារអាមេរិកមានការថយចុះមួយលានដុល្លា បើធៀបទៅនឹងការប្រឡងកាលពីឆ្នាំមុន៕
ក្រសួងអប់រំនឹងរៀបចំប្រឡងឌីប្លូមនៅថ្ងៃទី១០ ខែសីហា និងចំណាយថវិកាប្រមាណ៥ពាន់លានរៀល
0 Comments