លោក លើកឡើងបែបនេះក្នុងកិច្ចប្រជុំផ្សព្វផ្សាយ ស្តីពីការគ្រប់គ្រងការប្រកបវិជ្ជាជីវះ វេជ្ជសាស្ត្រឯកជន នៅក្នុងសាលប្រជុំសាលាខេត្តឧត្តរមានជ័យ កាលពីថ្ងៃទី២២ខែកក្កដាឆ្នាំ២០១៥។
លោក លៀម សុដា អភិបាលរងខេត្តលើកឡើងថា សេវាសុខាភិបាលខុសច្បាប់នៅក្នុងខេត្តឧត្តរមានជ័យនេះមានរហូតទៅដល់ចំនួនច្រើនកន្លែង និងទីតាំងមានច្បាប់អនុញ្ញាតមានចំនួនតិចជាក្នុងនោះរួមមានសេវាសុខាភិបាលឯកជន មន្ទីរពហុព្យាបាល មន្ទីរសម្ភពរោកស្ត្រី មន្ទីរ ព្យាបាលមាត់ធ្មេញ មន្ទីរពិសោធន៍ សាខាក្រុមហ៊ុនចែកចាយឱសថ និងគ្រឿងសំអាង ឱសថស្ថាន ឱសថស្ថានរង បន្ទប់សង្គ្រោះព្យាបាលជំងឺ បន្ទប់ថែទាំជំងឺ បន្ទប់ថែទាំស្ត្រីមានផ្ទៃពោះ បន្ទប់ព្យាបាលដោយចលនា បន្ទប់ពិសោធន៍ បន្ទប់កែសម្ផស្ស កន្លែងថែរក្សាសម្ផស្ស និងកន្លែងលក់គ្រឿងសំអាង ជាងដាក់ធ្មេញ អ្នកលក់ថ្នាំ អ្នកចាក់ថ្នាំតាមភូមិ អ្នកសម្រាលកូនតាមផ្ទះ អ្នកលក់ផលិតផល និងអ្នកលក់អាហារបំប៉នសុខភាព អ្នកលក់ឱសថបូរាណខ្មែរ ចិនសែ ដែលមិនត្រឹមត្រូវតាមច្បាប់ ស្តីពីការគ្រប់គ្រងប្រកបវិជ្ជាជីវៈឯកជន ក្នុងវិស័យវិជ្ជាសាស្ត្រ អមវេជ្ជសាស្ត្រ និងជំនួយវេជ្ជសាស្ត្រ និងច្បាប់គ្រប់គ្រឱសថ ត្រូវបញ្ឈប់ជាបន្ទាន់ចាប់ពីថ្ងៃជូនដំណឹងនេះ។
លោក ឃ្លោក ហួត ប្រធានមន្ទីរសុខាភិបាលខេត្ត និយាយថា សេវាសុខាភិបាលឯកជនមានច្បាប់ដែលបានចុះបញ្ជីមានឱសថស្ថាន ឱសថស្ថានរង បន្ទប់ពិគ្រោះជំងឺ បន្ទប់ថែទាំជំងឺ និងបន្ទប់ថែទាំ.មុន.ក្រោយសម្រាលកូនមានជំនួយ៩៩កន្លែង។ សេវាសុខាភិបាលដែលគ្មានច្បាប់ បានធ្វើកិច្ចសន្យាបញ្ឈប់ធ្វើអាជីវកម្មមានចំនួន១២១កន្លែង ក្នុងនោះ រួមទាំងបន្ទប់ព្យាបាលមាត់ធ្មេញចំនួន២៤កន្លែងផ្ទះលក់ឱសថ ដើរចាក់ថ្នាំចំនួន២៩កន្លែង លក់អាហារបំប៉នសុខភាពចំនួន២កន្លែង តូបលក់ឱសថតាមផ្ទះចំនួន១៨កន្លែង ពិនិត្យស្ត្រីមានផ្ទៃពោះចំនួន២កន្លែង ដើរចាក់ថ្នាំតាមភូមិចំនួន៤០កន្លែង អ្នកលក់ថ្នាំ និងព្យាបាលចល័តចំនួន១និងសេវាអមវេជ្ជសាស្ត្រ ជំនួយវេជ្ជសាស្ត្រចំនួន៧កន្លែង។
រំលឹកថា ច្បាប់ក្រសួងសុខាភិបាលលេខ១០០ អ.ប.ស/មព ចុះថ្ងៃទី២៩ខែធ្នូឆ្នាំ២០១៤ ជំរាបមក ប្រធានគណៈកម្មការរាជធានី.ខេត្តលុបបំបាត់ឱសថក្លែងក្លាយ និងសេវាសុខាភិបាលខុសច្បាប់ដើម្បីកាត់បន្ថយភាពក្រីក្រ នៅតាមបណ្តារាជធានី.ខេត្តរយះកន្លងមក នៅតាមរាជធានី.ខេត្ត បានអនុវត្តតាមការណែនាំរបស់ក្រសួងសុខាភិបាល និងជាពិសេសអនុវត្តតាមសេចក្តីសម្រេចរបស់រាជរដ្ឋាភិបាលដោយ បានចាត់វិធានការចំពោះសេវាសុខាភិបាលខុសច្បាប់ ដើម្បីអោយសេវាទាំងនោះមកគោរពច្បាប់ឲ្យបានត្រឹមត្រូវទាំងអស់គ្នា ក៏ប៉ុន្តែរហូតមកដល់បច្ចុប្បន្ននេះ ក៏នៅមានសេសសល់សេវាសុខាភិបាលមួយចំនួនតូចដែលមិនបានគោរពតាមច្បាប់ និងគោរពតាមការណែនាំរបស់ក្រសួងសុខាភិបាលទេ ហើយកំពុងបន្តសកម្មភាព ដែលជាហេតុធ្វើឲ្យប៉ះពាល់ដល់សុខភាពអាជីវិតនិងជីវភាពរស់នៅរបស់ប្រជាជន៕
ខេត្តឧត្តរមានជ័យមានសេវាសុខាភិបាលខុសច្បាប់ជាច្រើន ទាមទារឲ្យមានការបិទឬផ្អាក
0 Comments