Ad Code

រាជធានី​ភ្នំពេញ​ អ្នក​ជិះ​រថយន្ត​ក្រុង​គិត​ជា​មធ្យម​ពី​៥.៥០០​នាក់ ​ទៅ​៦.៥០០​នាក់​ ក្នុង​មួយថ្ងៃ​

ភ្នំពេញ ៖ មន្ត្រី​សាលា​រាជធានី​ភ្នំពេញ​បាន​ឲ្យ​ដឹង​ថា នៅ​រាជធានី​ភ្នំពេញ​សម្រាប់​ពេល​បច្ចុប្បន្ន​នេះ​មាន​អ្នក​ជិះ​រថយន្ត​ក្រុង​គិត​ជា​មធ្យម​ពី​៥.៥០០​នាក់​ ទៅ​៦.៥០០​នាក់​ ក្នុង​មួយថ្ងៃ។ ការ​លើក​ឡើង​បែប​នេះ​ត្រូវ​បាន​ធ្វើឡើង​កាលពី​រសៀល​ថ្ងៃ​ទី​២២ ខែ​កក្កដា ឆ្នាំ​២០១៥ ក្នុង​កិច្ចប្រជុំ​ស្ដីពី​ការគ្រប់គ្រង​រដ្ឋាករ​ស្វ័យ​ដឹកជញ្ជូន​សាធារណៈ នៅ​សាលា​រាជធានី​ភ្នំពេញ ក្រោម​អធិបតីភាព​លោក អៀង អូន​នី​អភិបាលរង​រាជធានី​ភ្នំពេញ ជាមួយ​មន្ទីរ​ និង​មន្ត្រី​ពាក់ព័ន្ធ​របស់​សាលា​រាជធានី​ភ្នំពេញ​ជា​ច្រើន​រូប​ទៀត។​

មន្ត្រី​សាលា​រាជធានី​ភ្នំពេញ​បន្ត​ឲ្យ​ដឹង​ដែរ​ថា សម្រាប់​ពេល​បច្ចុប្បន្ន​នេះ​ សាលា​រាជធានី​ភ្នំពេញ​បាន​និង​កំពុង​ដំណើរការ​រថយន្ត​ក្រុង​ចំនួន​៣​ខ្សែ មាន​រថយន្ត​ចំនួន​៣៧​គ្រឿង​ លើ​ចំនួន​រថយន្ត​ចំនួន​៤៣​គ្រឿង​ដែល​មាន ហើយ​ការ​មិន​ដំណើរការ​រថយន្តក្រុង​ទាំង​៤៣​គ្រឿង​នោះ​ដោយសារ​រថយន្តក្រុង​មួយ​ចំនួន​កំពុង​ធ្វើការ​ជួសជុល មិន​អាច​ដំណើរការ​បាន។ ក្នុង​ចំនួន​៣៧​គ្រឿង​នេះ​ មាន​អ្នក​ជិះ​គិត​ជា​មធ្យម​ពី​៥.៥០០​នាក់​ ទៅ​៦.៥០០​នាក់ ​ក្នុង​មួយថ្ងៃ ។

មន្ត្រី​រូប​នោះ​បន្ថែម​ទៀត​ថា ការ​ដាក់​ឲ្យ​ដំណើរការ​រថយន្តក្រុង​នា​ពេល​បច្ចុប្បន្ន​នេះ វា​ក៏​មាន​បញ្ហា​ប្រឈម​ជាច្រើន​ផង​ដែរ ដូចជា​ការ​កកស្ទះ​ចរាចរណ៍​ដែល​ធ្វើ​ឲ្យ​ជើង​រត់​របស់​រថយន្ត​ក្រុង​នីមួយៗ​រត់​មិន​ត្រូវ​តាម​ពេលវេលា​ដែល​បាន​កំណត់។ ការ​យល់​ដឹង​របស់​ប្រជាពលរដ្ឋ​នៅ​មាន​កម្រិត​នូវ​ឡើយ ដោយ​ពួកគាត់​មួយ​ចំនួន​នោះ​បាន​យក​ចំណតរថយន្ត​ក្រុង​ចត​ម៉ូតូ ឬ​ចត​រថយន្ត​ និង​យក​ជា​កន្លែង​សម្រាប់​ពួកគាត់​អង្គុយ​ជជែក​គ្នា​លេង​ជាដើម។​

លោក អៀង អូន​នី បាន​មានប្រសាសន៍​លើក​ឡើង​ថា ការ​បើក​ឲ្យ​មាន​កិច្ចប្រជុំ​ជាមួយ​មន្ត្រី​ពាក់ព័ន្ធ​លើ​ការគ្រប់គ្រង​រដ្ឋាករ​ស្វ័យ​ដឹកជញ្ជូន​សាធារណៈ​នេះ ក្នុង​គោលបំណង​ពិគ្រោះ​យោបល់​គ្នា ធ្វើ​យ៉ាង​ណា​ឲ្យ​ប្រព័ន្ធ​ដឹកជញ្ជូន​សាធារណៈ​នេះ​ដំណើរការ​ទៅកាន់​តែ​រលូន​ និង​កាន់តែ​ល្អ​ប្រសើរ​ជាង​មុន ដើម្បី​ទទួល​ការ​គាំទ្រ​ពី​ប្រជាពលរដ្ឋ​កាន់តែ​ច្រើន​ឡើង​ថែមទៀត៕
Pisey-2015-07-23-full-G

Pisey-2015-07-23-full-G1


រាជធានី​ភ្នំពេញ​ អ្នក​ជិះ​រថយន្ត​ក្រុង​គិត​ជា​មធ្យម​ពី​៥.៥០០​នាក់ ​ទៅ​៦.៥០០​នាក់​ ក្នុង​មួយថ្ងៃ​

Post a Comment

0 Comments

Close Menu