នៅក្នុងឱកាសសវនាការនោះដែរ លោកជំទាវ ឧបនាយករដ្ឋមន្ត្រី ម៉ែន សំអន មានប្រសាសន៍លើឡើងថាទំនាក់ទំនងរវាងប្រទេសកម្ពុជា និងចិនគឺមានទំនាក់ទំនងមិត្តភាពយូរលង់តាំងពីបុរាណកាលមក ជាពិសេសបំផុតគឺបាមបង្កើតទំនាក់ ទំនងយ៉ាងស៊ីជម្រៅ ជាប្រវត្តិសាស្ត្រ ដែលបានកសាងឡើងដោយថ្នាក់ដឹកនាំជំនាន់មុននៃប្រទេសទាំង ពីរគឺសម្ដេចព្រះបរមរតនកោដិព្រះបាទនរោត្តមសីហនុ ព្រះមហាវីរៈក្សត្រនិងលោកប្រធានម៉ៅ សេទុង។
លោកជំទាវឧបនាយករដ្ឋមន្ត្រី មានប្រសាសន៍បញ្ជាក់បន្តថា វឌ្ឍនភាពរបស់ចិនបានបានចូលរួមចំណែកជួយដល់កំណើនសេដ្ឋកិច្ចរបស់កម្ពុជាឲ្យមានសន្ទុះខ្លាំងក្លាផងដែរតាមរយៈការចូលវិនិយោគទុនរបស់ធុរកិច្ចជនចិននៅកម្ពុជាការផ្តល់ហិរញ្ញប្បទានរបស់រដ្ឋាភិបាលចិនដល់រាជរដ្ឋាភិបាលកម្ពុជា រួមមានជំនួយឥតសំណងនិងឥណទាន គ្មានការប្រាក់ ជំនួយផ្នែកសំភារៈ ជំនួយហេដ្ឋារចនាសម្ព័ន្ធស្ពាន ផ្លូវថ្នល់និង បណ្តារចនាសម្ព័ន្ធចាំបាច់ ច្រើនទៀត។ នេះជាការចូលរួមជំរុញល្បឿននៃការស្តារនិងអភិវឌ្ឍន៏សេដ្ឋកិច្ចកម្ពុជាឲ្យសម្រេចបានជោគជ័យជាពិសេសកម្ពុជាមានកំណើនសេដ្ឋកិច្ចខ្ពស់ និងបានលើកកំពស់ជីវភាពប្រជាពលរដ្ឋកាន់តែប្រសើរឡើងជាលំដាប់។
លោកជំទាវឧបនាយករដ្ឋមន្ត្រី ម៉ែន សំអន មានប្រសាសន៍បន្តថា ចំពោះបរិការណ៍អន្តរជាតិវិញរាជរដ្ឋាភិបាលកម្ពុជាប្រកាន់ភ្ជាប់នូវនយោបាយការបរទេសរបស់ខ្លួន ដោយឥតងាករេគឺគាំទ្រ“នយោបាយចិនតែមួយ“។ មិនត្រឹមតែប៉ុណ្ណោះកម្ពុជាបានគាំទ្រចិនលើគ្រប់វេទិកាអន្តរជាតិ។ជាមួយនឹងការរីកលូតលាស់ឥតឈប់ឈរ នៃ សង្គមសេដ្ឋកិច្ចចិន កម្ពុជា ហើយចូលរួមអបអរចំពោះឧត្តមភាពសេដ្ឋកិច្ចចិនបានក្លាយជាប្រទេសមហាអំណាចសេដ្ឋកិច្ចទី២លើពិភពលោក។
ដោយឡែកលោកយ៉ាង ហ្សាវឌុ ប្រធាននៃ គណៈប្រតិភូគណៈកម្មាធិការត្រួតពិនិត្យវិន័យនៃគណៈកម្មាធិការមជ្ឈិមបក្សកុម្មុយនិស្ដចិនមានប្រសាសន៍លើកឡើងដែរថា ចាប់តាំងពីឆ្នាំ២០១០មកម្ល៉េះប្រទេសកម្ពុជាចិន បានបង្កើតនូវទំនាក់ទំនងជាដៃគូយុទ្ធសាស្ត្រគ្រប់ជ្រុងជ្រោយ និងធ្វើឲ្យមានការរីកចម្រើនទៅមុខមួយកម្រិតទៀត។ ឯកឧត្តម ហ្សាវឌុ មានប្រសាសន៍បន្តថា ចិននិងកម្ពុជាបានគាំទ្រគ្នាទៅវិញទៅមកនៅលើឆាកអន្តរជាតិ។ បក្សនិងរដ្ឋាភិបាលចិន សូមថ្លែងអំណរគុណដល់រដ្ឋាភិបាលកម្ពុជា ដែលបានគាំទ្រប្រទេសចិន ជារៀងរហូតមកយើងខិតខំគាំទ្រថែរក្សាមិត្តភាពជារៀងរហូត៕
លោកជំទាវ ម៉ែន សំអន សាទរមិត្តចិនបានក្លាយជាប្រទេសមហាអំណាចសេដ្ឋកិច្ចទី២លើពិភពលោក
0 Comments