កញ្ញា អេ នីហ្សាម បន្ទាប់ពីមានឈ្មោះល្បីក្នុងទីផ្សារសិល្បៈគួរសមមកនោះ នាងក៏ហាក់មាន ភាពខុសប្លែកផងដែរសម្រាប់ជីវភាពរស់នៅប្រចាំថ្ងៃ ទាំងការហ៊ឺហា និងការលេងស្តាយ៍សំលៀកបំពាក់បែបសិចស៊ីបញ្ចេញរង្វះដើមទ្រូង គល់ភ្លៅ រួមនឹងរន្ធផ្ចិតជាដើម។ មិនតែប៉ុណ្ណោះ ថ្មីៗមុននេះនាងក៏បានធ្វើឲ្យមានការរំជើបរំជួលដល់អារម្មណ៍អ្នកគាំទ្រ និងក្រុមបុរសមានទ្រព្យផងដែរ ខណៈដែលតារារូបនេះបានបញ្ចេញបង្ហោះរូបថតស្លៀកពាក់ខើចលើខើចក្រោមជាបន្តបន្ទាប់នៅក្នុងសង្គមហ្វេសប៊ុកផ្ទាល់ខ្លួននោះ។
ប្រភពពីរង្វង់អ្នកសិល្បៈជាមួយគ្នាក៏បាននិងកំពុងនិយាយខ្សឹបខ្សៀវផងដែរអំពីការបង្អួតសម្រស់ដើមទ្រូងដ៏ទ្រលុកទ្រលន់របស់តារាចម្រៀងនាង អេ នីហ្សាម ស្របពេលលេចឮដំណឹងថា តារាស្រីវ័យក្មេងរូបនេះបានចំណាយលុយមិនក្រោមខ្ទង់រាប់ពាន់ដុល្លារនោះទេក្នុងការចាក់ថ្នាំពង្រីកដើមទ្រូងឲ្យមូលក្លុំ ដើម្បីជាផ្នែកដ៏សំខាន់មួយក្នុងការទាក់ទាញយកការចាប់អារម្មណ៍ពីសំណាក់មហាជនអ្នកគាំទ្រ និងក្រុមកន្លង់ៗជាបុរសសម្បូរទ្រព្យ។
ប្រភពបានបង្ហើបថា កន្លងមកនេះ តារាចម្រៀង អេ នីហ្សាម បានចំណាយលុយមិនស្ទើរទេដើម្បីកែសម្រស់បន្ថែមលើសម្រស់ធម្មជាតិ ពិសេសដើមទ្រូងដែលមិនសូវសម្បូរសាច់នោះឲ្យឡើងមូលក្លុំក្បំ ដោយការចាក់ថ្នាំបញ្ចូលពង្រីក ដែលធ្វើឲ្យដើមទ្រូងនាងពេលនេះមើលទៅគួរឱ្យគ្រឺតក្នាញ់ ជាងពេលមុនៗ។
ចំពោះការចាក់ថ្នាំពង្រីកដើមទ្រូងរបស់តារាចម្រៀងកញ្ញា អេ នីហ្សាម នេះ គឺដើម្បីឲ្យដើមទ្រូងនាងឡើងធំជាងមុន ចំណែកកន្លែងផ្សេងៗទៀត គេពុំបានដឹងទេថា តើ កញ្ញា អេ នីហ្សាម មានធ្វើការកែកុន ឬមួយយ៉ាងណានោះទេ។
កម្ពុជាថ្មីនៅព្រឹកថ្ងៃទី២១ ខែកក្កដា ឆ្នាំ២០១៥នេះ បានភ្ជាប់ទំនាក់ទំនងតាមទូរស័ព្ទទៅកាន់តារាចម្រៀងកញ្ញា អេ នីហ្សាម ដែរដើម្បីសាកសួរពីរឿងនេះ តែនៅពេលទូរស័ព្ទចូល ត្រូវបានតារារូបនេះលើកទទួល រួចនិយាយតបមកវិញថា សុំទោសបងឥឡូវនេះខ្ញុំកំពុងតែជាប់រវល់ ពេលរសៀលចាំបងទូរស័ព្ទមកខ្ញុំម្ដងទៀត…..។
ប៉ុន្តែគួរឲ្យសោកស្ដាយបន្ទាប់ពីរង់ចាំរហូតមកដល់ម៉ោងជិត២រសៀល កម្ពុជាថ្មីក៏បានទូរស័ព្ទទំនាក់ទំនងទៅកាន់តារាចម្រៀងកញ្ញា អេនី ហ្សាម ជាថ្មីឡើងវិញ តែទូរស័ព្ទរបស់នាងនៅពេលហៅចូល ត្រូវបាននារីម្នាក់ដែលអះអាងថាត្រូវជាប្អូនស្រីជាអ្នកទទួលជំនួស ហើយប្រាប់មកវិញថា បងស្រីខ្ញុំគាត់មិននៅទេ (អេ នីហ្សាម)…..។ គាត់ចេញទៅក្រៅបាត់ហើយ មិនដឹងពេលណាត្រឡប់មកវិញទេ រួចក៏ចុចផ្ដាច់ទូរស័ព្ទទៅវិញ៕
អេនី ហ្សាម ល្បីថាធ្លាប់ចេញទៅចាក់ថ្នាំពង្រីកដើមទ្រូងនៅថៃ
0 Comments