យោងតាមសេចក្ដីជូនដំណឹងរបស់ក្លិប អ្នកដែលមានចំណាប់អារម្មណ៍សាកល្បងសមត្ថភាពត្រូវតែកើតនៅក្នុងឆ្នាំ ២០០០ ឬ ២០០១ ហើយចូលរួមធ្វើតេស្តនៅថ្ងៃអាទិត្យ ទី ២៦ ខែ កក្កដា ឆ្នាំ ២០១៥ ខាងមុខ ក្នុងកីឡដ្ឋាន RSN Stadim ម្ដុំខណ្ឌទូលគោក រាជធានីភ្នំពេញ។ ការធ្វើតេស្ដនេះចែកជា ២ វេនគឺ លើកដំបូលធ្វើឡើងនៅព្រឹក ចាប់ពីម៉ោង ៨ ដល់ ម៉ោង ១០ ហើយមួយវេនទៀតចាប់ពីម៉ោង ៣ ដល់ ម៉ោង ៥ ល្ងាច។
គោលបំណងរបស់ក្លិប ការធ្វើតេស្ដនេះនឹងរៀបចំឡើងជាសាធារណៈដើម្បីផ្ដល់ឱកាសឱ្យកីឡាករវ័យក្មេងគ្រប់ៗរូបបានចូលរួមសាកល្បងសមត្ថភាពរបស់ខ្លួន។ ចំពោះអ្នកដែលមានចំណាប់អារម្មណ៍ចូលរួមត្រូវធ្វើដំណើរទៅឱ្យដល់ទីលានបានមុន ៣០ នាទីមុនការធ្វើតេស្ដចាប់ផ្ដើម ព្រមទាំងយកស្បែកជើងនិងឯកសណ្ឋានរបស់ខ្លួនទៅជាមួយផង។
គិតត្រឹមពេលនេះក្រុមភ្នំពេញក្រោន មានកីឡាករឈុតថ្នាលយុវជនរបស់ខ្លួនចាប់ពីអាយុ ១៣ ឆ្នាំ, ១៥ ឆ្នាំ, ១៨ ឆ្នាំ និង ឈុតធំ។ លោក ឬទ្ធី សំណាង ដែលជាម្ចាស់ក្លិបចង់ឱ្យក្រុមខ្លួនវិវត្តន៍ទៅជាក្លិបអាជីពដូចប្រទេសល្បីៗមួយចំនួន ដោយមានកសាងកីឡដ្ឋានផ្ទាល់ខ្លួន ជូនអ្នកជំនាញមកពីក្រៅប្រទេសក្នុងការដឹកនាំក្រុម និង កសាងយុវជនថ្នាលបន្ថែមជាដើម។
ភ្នំពេញក្រោន ប្រកាសរើសកីឡាករដាក់ក្នុងឈុតយុវជនថ្នាលក្រោមអាយុ១៥ឆ្នាំរបស់ខ្លួន
0 Comments