ពោធិ៍សាត់ ៖ កាលពីវេលាម៉ោង៥ល្ងាចថ្ងៃទី២១ ខែកក្កដា ឆ្នាំ២០១៥ កម្លាំងនគរបាលព្រហ្មទណ្ឌកម្រិតស្រាលនៃស្នងការនគរបាល សហការជាមួយកម្លាំងនគរបាលស្រុកក្រវ៉ាញ បានធ្វើការស្រាវជ្រាវរហូតឈានដល់ឃាត់ខ្លួនបុរសម្នាក់ពីបទចោរកម្មនិង៣នាក់ទៀត ពីបទទទួលផលចោរកម្ម។
លោកកុយ ញឿននាយរងការិយាល័យព្រហ្មទណ្ឌកម្រិតស្រាលនៃស្នងការនគរបាលខេត្តពោធិ៍សាត់ បានឲ្យកម្ពុជាថ្មីដឹងថា កម្លាំងនគរបាល ព្រហ្មទណ្ឌកម្រិតស្រាល នៃស្នងការនគរបាលខេត្ត បានសហការជាមួយកម្លាំងនគរបាលស្រុកក្រវ៉ាញ់ ធ្វើការស្រាវជ្រាវកាលពីថ្ងៃទី២០ ខែកក្កដា ឆ្នាំ២០១៥ រហូតដល់ថ្ងៃទី២១ ខែកក្កដា ឆ្នាំ២០១៥នេះ ទើបឈានដល់ការឃាត់ខ្លួនបុរសម្នាក់នៅភូមិស្ទឹងតូច សង្កាត់រលាប ហើយបានធ្វើការឆែកឆេររកឃើញថ្នាំញៀន៣កញ្ចប់ និងសម្ភារៈអំពើចោរកម្មមួយចំនួន ដូចជាទូរទស្សន៍ ម៉ាស៊ីនត្រង់តឺន័រ និងធ្វើការឃាត់ខ្លួន អ្នកទទួលផលចោរកម្ម៣នាក់ទៀត ដែលទី១មានឈ្មោះ ព្រាប ពៅ ភេទប្រុស អាយុ២៣ឆ្នាំ ទី២ឈ្មោះឈុន វុត្ថា ភេទប្រុស អាយុ២៧ឆ្នាំ ទីនិង៣ឈ្មោះឈុ វុទ្ធី ភេទប្រុស អាយុ២៩ឆ្នាំ។
សេចក្តីរាយការណ៍បានឲ្យដឹងទៀតថា កម្លាំងព្រហ្មទណ្ឌកម្រិតស្រាល បានសាកសួរនៅការិយាល័យកម្រិតស្រាលនៃស្នងការនគរបាលខេត្តពោធិ៍សាត់ហើយ៕
ឃាត់ខ្លួនបុរសម្នាក់ពីបទចោរកម្មនិង៣នាក់ទៀតពីបទទទួលផលចោរកម្ម
0 Comments