បើតាមមន្ត្រីកងរាជអាវុធហត្ថខេត្តកណ្ដាលបានឲ្យដឹងថា ការឃាត់ខ្លួនជនសង្ស័យឈ្មោះ មុំ វ៉ាត សមត្ថកិច្ចបានឆែកឆេរលើខ្លួនជនសង្ស័យរកឃើញគ្រឿងញៀនចំនួន១៣កញ្ចប់ ក្នុងនោះ១១កញ្ចប់ធំ និង២កញ្ចប់តូច។
មន្ត្រីអាវុធហត្ថខាងលើបានឲ្យដឹងទៀតថា ជនសង្ស័យឈ្មោះ ម៉ុំ វ៉ាត ភេទប្រុស អាយុ៦៣ឆ្នាំ មានទីលំនៅភូមិព្រែកឫស្សី សង្កាត់ព្រែកឫស្សី ក្រុងតាខ្មៅ ត្រូវបានឃាត់ខ្លួននៅវេលាម៉ោង១១ថ្ងៃត្រង់ ខណៈដែលកំពុងធ្វើដំណើរដោយម៉ូតូ លើកំណាត់ផ្លូវ21B នៅក្នុងភូមិព្រែកសំរោង ក្នុងគោលដៅយកគ្រឿងញៀនទៅចែកចាយ ត្រូវកម្លាំងជំនាញរបស់កងរាជអាវុធហត្ថតាមប្រមាញ់ជាយូរមកហើយនោះ ត្រូវបានឃាត់ខ្លួន ហើយឆែកឆេរទៅលើខ្លួនប្រាណ ឃើញមានម្សៅក្រាមពណ៌.សថ្លា ប្រភេទមេតំហ្វេតាមីន(ម៉ាទឹកកក)ចំនួន១៣កញ្ចប់។
បច្ចុប្បន្ន ជនសង្ស័យឈ្មោះ មុំ វ៉ាត និងវត្ថុតាង សមត្ថកិច្ចកងរាជអាវុធហត្ថខេត្តកណ្ដាលកំពុងកសាងសំណុំរឿងតាមនីតិវិធីច្បាប់ បញ្ជូនមកកាន់សាលាដំបូងខេត្តកណ្ដាល ដើម្បីវិនិច្ឆ័យទោស៕
អតីតអធិការស្រុកតាខ្មៅ ត្រូវកម្លាំងអាវុធហត្ថឃាត់ខ្លួន ពីបទជួញដូរគ្រឿងញៀន
0 Comments