ពោធិ៍សាត់ ៖ កម្លាំងនគរបាលស្រុកកណ្ដៀង បានដឹកនាំកម្លាំងនគរបាលស្រុក សហការជាមួយប៉ុស្តិ៍ឃុំស្វាយលួង ចុះប្រតិបត្តិការបង្ក្រាបជនសេពគ្រឿងញៀនបាន២នាក់ ក្នុងភូមិពោធិ៍តាវង់ ឃុំស្វាយលួង ស្រុកកណ្ដៀង ខេត្តពោធិ៍សាត់។
សេចក្តីរាយការណ៍បានឲ្យដឹងថា កាលពីវេលាម៉ោង៣និង៤០នាទីល្ងាច ថ្ងៃទី៧ ខែកក្កដា ឆ្នាំ២០១៥ កម្លាំងនគរបាលដែលដឹកនាំដោយលោក អ៊ីវ សេងហ៊ឹម អធិការស្រុកកណ្ដៀង បានដឹកនាំកម្លាំងនគរបាលស្រុក សហការជាមួយប៉ុស្តិ៍ឃុំស្វាយលួង ចុះប្រតិបត្តិការបង្ក្រាបជនសេពគ្រឿងញៀនបាន២នាក់ ដែលការបង្ក្រាបនេះគឺដោយសារតែ មានប្រជាពលរដ្ឋបានរាយការណ៍មកថា មានជនចែកចាយគ្រឿងញៀននៅចំណុចពោធិ៍តាវង់ទើបកម្លាំងនគរបាលចុះធ្វើប្រតិបត្តិការសង្គ្រុបបានតែម្តង។ ដែលជនសង្ស័យទាំង២នាក់នេះ ទី១ឈ្មោះ ប៊ុន បញ្ហា ភេទប្រុស អាយុ២៥ឆ្នាំ រស់នៅ ទី២ឈ្មោះ ណាំង កក្កដា ភេទប្រុស អាយុ២០ឆ្នាំ រស់នៅភូមិសំរោង ឃុំកញ្ចូរ ស្រុកកណ្ដៀង ខេត្តពោធិ៍សាត់។
សេចក្តីរាយការណ៍បានឲ្យដឹងទៀតថា កម្លាំងនគរបាល បានដកហូតវត្ថុតាងគ្រឿងញៀនមួយកញ្ចប់ ប្រាក់១៣ម៉ឺនរៀល និងម៉ូតូម៉ាកស្កូពី១គ្រឿង។
សេចក្តីរាយការណ៍បានបន្តថា កម្លាំងនគរបាលបានរក្សាទុកនិងបញ្ជូនវត្ថុតាងជនសង្ស័យទៅកាន់អធិការស្រុក៕
ឃាត់ខ្លួនជនសង្ស័យ២នាក់ ពីបទចែកចាយគ្រឿងញៀន
0 Comments