ការស្ទង់មតិរបស់មជ្ឈមណ្ឌល Pew Research Center បានអះអាងកាលពីថ្ងៃព្រហស្បតិ៍ អំពីទស្សនវិស័យសេដ្ឋកិច្ចថា ខ្សោយនោះ គឺក្នុងចំណោមពួកអ្នកដែលបានធ្វើការស្ទង់មតិ ដែលជាទូទៅ គឺធ្វើនៅក្នុងជាង៥០ភាគរយនៃប្រទេសជឿនលឿន និងប្រទេសកំពុងងើបឡើង ព្រមទាំងប្រទេសកំពុងអភិវឌ្ឍនៅលើពិភពលោក។
អ្នកឆ្លើយជាមធ្យម៥៥ភាគរយ នៅទូទាំង៤០ប្រទេស បានរាយការណ៍អំពីបរិយាកាសសេដ្ឋកិច្ចមិនសូវអំណោយផលនៅក្នុងបណ្ដាប្រទេសរបស់ពួកគេរៀងៗខ្លួន ទល់នឹងកម្រិតមធ្យមចំនួន៤៣.៦ភាគរយ ដែលបង្ហាញនូវទស្សនៈវិជ្ជមាន។
ជាពិសេសបំផុត មានតែ៤០ភាគរយប៉ុណ្ណោះនៃប្រជាជនដែលបានឆ្លើយសំណួរនៅក្នុងប្រទេសជឿនលឿនចំនួន១១ ដែលបានធ្វើការស្ទង់មតិ រួមទាំងអាមេរិក អ៊ីស្រាអែល និងជប៉ុន នោះផង បានដឹងថា សេដ្ឋកិច្ចរបស់ពួកគេ ធ្វើប្រតិបត្ដិការនៅក្នុងភាពខ្មៅងងឹត។ នៅក្នុងចំណោមពួកគេ ប្រទេសអាល្លឺម៉ង់ បន្ដដោយកាណាដា និងអូស្ដ្រាលី គឺជាអ្នកមានការជឿទុកចិត្ដបំផុតក្នុងចំនួន៧៥, ៥៧, ៥៥ភាគរយ រៀងៗខ្លួនដែលបានពិពណ៌នាថា សេដ្ឋកិច្ចមានលក្ខណៈល្អ។ ប្រទេសកូរ៉េខាងត្បូង បារាំង និងអីុតាលី បានវាយតម្លៃសេដ្ឋកិច្ចរបស់ពួកគេថា ស្ថិតនៅភាពអវិជ្ជមាន ក្នុងចំនួន៨៣, ៨៥, ៨៨ភាគរយ រៀងៗខ្លួន។
នៅក្នុងចំណោមប្រទេសសេដ្ឋកិច្ចដែលកំពុងងើបឡើងចំនួន២១ប្រទេសនោះ ចិន មានទស្សនៈពោរពេញទៅដោយក្ដីសង្ឃឹមលើសលប់ចំនួន៩៣ភាគរយ នៅពេលដែល៩៤ភាគរយនៃប្រជាជនអ៊ុយក្រែន បានវាស់សេដ្ឋកិច្ចរបស់ពួកគេថា កំពុងតែរត់នៅលើពណ៌ក្រហម។ ការស្ទង់មតិរបស់ Pew បានធ្វើនៅក្នុងនិទាឃរដូវនេះ នៅក្នុងចំណោមប្រជាជនចំនួន១,០០០ទៅ៣,៥០០នាក់ ដែលបានជួបទល់មុខគ្នា ឬក៏ជួបតាមទូរស័ព្ទ។ ការស្ទង់មតិបានអះអាងថា ២ភាគ៥នៃប្រទេសកំពុងងើបឡើង និងជាងពាក់កណ្ដាលនៃប្រទេសកំពុងអភិវឌ្ឍសង្ឃឹមថា សេដ្ឋកិច្ចរបស់ពួកគេនឹងកើនឡើងនៅឆ្នាំខាងមុខ ចំណែក២ភាគ៥នៃប្រទេសសេដ្ឋកិច្ចជឿនលឿនសង្ឃឹមថា មិនផ្លាស់ប្ដូរទេ៕
Sputnik
ការស្ទង់មតិ ៖ ជាងពាក់កណ្ដាលនៃប្រទេសសេដ្ឋកិច្ចនៅលើពិភពលោកមានទស្សនវិស័យអវិជ្ជមាន
0 Comments