អំពើហិង្សានេះបានកើតឡើងកាលពីម៉ោង ១០និង២០នាទីយប់ ថ្ងៃទី២០ ខែកក្កដា ឆ្នាំ២០១៥ នៅចំណុចមុខវត្តលង្កា ក្នុងសង្កាត់បឹងកេងកងទី១ ខណ្ឌចំការមន រាជធានីភ្នំពេញ។
សាក្សីបានប្រាប់សមត្ថកិច្ចដែលចុះទៅអន្តរាគមន៍នៅកន្លែងកើតហេតុ បានឲ្យដឹងថា នៅម៉ោង ១០និង២០នាទីយប់ ក្រុមក្មេងស្ទាវ មួយក្រុមបានជិះម៉ូតូ ទៅអង្គុយលេងលើសួនមុខវត្តលង្កា ខណៈនោះក៏ស្រាប់តែ មានក្រុមស្ទាវ មួយក្រុមមានគ្នាប្រហែល៨នាក់ជិះរថយន្តទំនើបម៉ាក RANG ROVER មួយគ្រឿង ពណ៌ខ្មៅ ស្លាកលេខ ភ្នំពេញ៖ 2AA-1575 បានមកវាយ និងគប់មកលើក្មេងស្ទាវមួយក្រុមទៀតបណ្តាលឲ្យត្រូវមួយដុំថ្ម ចំខ្នង ហើយបានយកដំបងវាយកូនហ្កោល វាយម៉ូតូ Scoopy ពណ៌សមួយគ្រឿង បែកក្បាំងខាងឆ្វេង និងពីរគ្រឿងទៀតម៉ាក Next ម៉ាក Finano រងការខូខខាត។បន្ទាប់មកពួកវាបាននាំគ្នាជិះរថយន្តគេចបាត់ទៅ។ ភ្លាមៗបន្ទាប់ពីកើតហេតុសមត្ថកិច្ចបាន ចុះទៅកាន់កន្លែងកើតហេតុដើម្បីអន្តរាគមន៍ ប៉ុន្តែត្រូវបានក្រុមអ្នកជិះរថយន្ត ទំនើបបើកគេចខ្លួនបាត់ទៅហើយ។
ក្រុមជនរងគ្រោះ បានឲ្យដឹងថា អ្នកដែលជិះឡាន RANG ROVER មកវាយ និងគប់ដុំថ្មលើពួកគេនេះ គឺពួកគេធ្លាប់ស្គាល់គ្នា ហើយជនរងគ្រោះបានប្រាប់ថា អ្នកដែលជិះឡានមកវាយនោះមាន Facebook ឈ្មោះ Chhoun Seth។
ក្រោយកើតហេតុ ក្រុមក្មេងស្ទាវដែលរងគ្រោះបានប្រាប់សមត្ថកិច្ចថា ចាំព្រឹកឡើងបានពួកខ្ញុំមកដាក់ពាក្យប្ដឹង។ករណីនេះត្រូវបានសមត្ថកិច្ចដាក់ការសង្ស័យថា ផ្តើមឡើងដោយរឿងគំនុំអ្វីមួយទើបឈាន់ដល់តាមវាយនិងគប់បែបនេះ៕
ដោះស្រាយគំនុំជិះ RANG ROVERវាយម៉ូតូ នឹង គប់មកលើគូជម្លោះ ដែលកំពុងអង្គុយលេងមុខវត្តលង្កា
0 Comments