លោកបានបន្តថា ថ្នាំកសិកម្មដែលមន្ត្រីកសិកម្មខេត្តចាប់បាន ជាប្រភេទថ្នាំដែលឈ្មួញលួចនាំចូលដោយខុសច្បាប់ លក់ចែកចាយដោយខុសច្បាប់នៅតាមបណ្ដាខេត្តផ្សេងៗ ហើយថ្នាំកសិកម្មនេះ ឈ្មួញនាំចូលដោយខុសច្បាប់ចំនួន១៤៦កេះ បានទិញពីប្រទេសថៃ ក្នុង១កេះតម្លៃជាង២,០០០បាត សរុប២៩២,០០០រៀល។
លោកបានបញ្ជាក់ថា ថ្នាំកសិកម្មដែលមន្ត្រីជំនាញចាប់បានចំនួន១៤៦កេះនេះ ឈ្មួញមានឈ្មោះ លឹម គង់ ជាឈ្មួញដែលលក់ចែកចាយមានស្តង់នៅក្រុងសិរីសោភ័ណ ដែលត្រូវបានមន្ត្រីចម្រុះបង្ក្រាប កាលពីថ្ងៃទី១៤ ខែកក្កដា ឆ្នាំ២០១៥ រកឃើញថ្នាំកសិកម្មដែលគ្មានច្បាប់ដាក់លក់ និងស្តុកក្នុងឃ្លាំងស្ថិតភូមិសូភី សង្កាត់កំពង់ស្វាយ ក្រុងសិរីសោភ័ណ ដែលមានចំនួន១២៧កេះ និង២១ការុង ស្មើទឹកលុយប្រមាណជាង១ម៉ឺនដុល្លារ។ ហើយសំណុំរឿងដែលបង្ក្រាបស្តង់ និងឃ្លាំងស្តុកថ្នាំកសិកម្មគ្មានច្បាប់ ដែលរឹបអូសបានរយៈពេលកន្លងមកនោះ សាលាដំបូងកំពុងអនុវត្តន៍តាមច្បាប់និងថ្នាំកសិកម្មរក្សាទុកនៅឃ្លាំងមន្ទីរកសិកម្មខេត្តបន្ទាយមានជ័យ៕
មន្ត្រីកសិកម្ម ចាប់រថយន្ត១គ្រឿង ដឹកថ្នាំកសិកម្មខុសច្បាប់នៅតំបន់ព្រំដែន
0 Comments