អ្នកដែលដឹងរឿងរបស់ សុខ ពិសី និយាយថា បើទោះជានាងខំលាងជំរះខ្លួន និងប្រកែកយ៉ាងណាក៏នៅតែគេចមិនផុតពីការរិះគន់របស់មហាជន ដែលចូលចិត្តតាមដានរឿងរ៉ាវរបស់តារាៗស្រុកខ្មែរបានដែរ ព្រោះវាមិនអាចទៅរួចទេលុយចំនួន៥០ម៉ឺនដុល្លារ ដែលបោះទុនបើកហាងនាំចូលគ្រឿងអេឡិចត្រូនិកនោះត្រូវបាននាងនិយាយថា បានមកពីញើសឈាមសិល្បៈដែលនាងគ្រាន់តែជាតារាចម្រៀងម្នាក់នោះតើវាអាចទៅរួចទេ គឺគ្មាននរណាគេជឿនាងឡើយ។
ដោយឡែកបើតាមការបង្ហើបប្រាប់ពីមិត្តរួមអាជីពជាមួយគ្នា ដែលស្និទ្ធនឹងសុខ ពិសីវិញនិយាយថា ពេលនេះនាងកំពុងតែត្រៀមដាក់ទុន៥០ម៉ឺនដុល្លារ សម្រាប់ដំណើរការមុខជំនួញនាំចូលគ្រឿងអេឡិចត្រូនិក។ គេនិយាយទៀតថា ប្រសិនបើនាងមានគូស្នេហ៍ផ្តល់លុយឲ្យរកស៊ីពិតមែនចាំបាច់អីត្រូវលាក់លៀមជាមួយមហាជននោះ ឬនេះក៏វាជាទម្លាប់ និងពុតត្បុតរបស់តារាសិល្បៈស្រុកខ្មែរ?ចំពោះព័ត៌មានទាក់ទងនឹងរឿងថា កញ្ញា សុខ ពិសី មានស្នេហាលួចលាក់ជាមួយបុរសកូនថៅកែប្រេងឥន្ធនៈនៅស្រុកខ្មែរ ហើយផ្តល់លុយកាក់ឲ្យបើកមុខជំនួញនេះដែរ«កម្ពុជាថ្មី»មិនអាចសុំសម្ភាសន៍តារាសិល្បៈរូបនេះ បានទេព្រោះប្រព័ន្ធទូរស័ព្ទមិនអាចទាក់ទងបាន៕
សុខ ពិសី មានបុរសកូនថៅកែប្រេងស្រុកខ្មែរបោះទុន៥០ម៉ឺនដុល្លារបើកជំនួញ
0 Comments