ភ្នំពេញ ៖ អតីតតារាចម្រៀង និងកំប្លែង ដែលត្រូវមហាជនបានស្គាល់យ៉ាងច្បាស់ថាជាប្អូនស្រីបង្កើតរបស់តារាពហុជំនាញអ្នកនាង ខាត់ សុឃីម និងជាកូនទី៥ក្នុងត្រកូលខាត់ អ្នកនាង ខាត់ ស្រីវង ខណៈពេលដែលការឆ្លងទន្លេកាន់តែខិតចូលមកដល់ នាងហាក់ដូចជាកាន់តែបញ្ចេញសម្ញែងរូបថតសិចស៊ីដល់.ក តែម្ដង។
នៅលើបណ្ដាញសង្គមហ្វេសប៊ុកផ្ទាល់ខ្លួនរបស់អតីតតារាកំប្លែង និងសម្ដែង អ្នកនាង ខាត់ ស្រីវង ថ្មីៗនេះ គេតែឧស្សាហ៍បានឃើញនាងថតបង្ហោះបញ្ចេញនូវរូបថតបន្តបន្ទាប់ជាច្រើនសន្លឹកបង្ហាញឲ្យមហាជនបានដឹង និងឃើញថា បច្ចុប្បន្ន នាងកំពុងមានផ្ទៃពោះ ព្រមទាំងជិតគ្រប់ខែឆ្លងទន្លេក្នុងពេលឆាប់ៗខាងមុននេះទៀតផង។ ប៉ុន្តែពុំទាន់មាននរណាម្នាក់ដឹងទេថា កូនក្នុងផ្ទៃរបស់នាងនោះជាប្រុស ឬស្រីនៅឡើយទេ។
បើមើលតាមរយៈនៃការបញ្ចេញរូបថតជាចម្រើនសន្លឹកពីទឹកដីសហរដ្ឋអាមេរិក ពីសំណាក់អ្នកនាង ខាត់ ស្រីវង ពេលនេះអាចបញ្ជាក់ថា ឥឡូវនាងជិតក្លាយជាម្តាយដ៏ល្អរបស់ទារកនៅក្នុងផ្ទៃទៅហើយ ព្រោះថាថ្ងៃសម្រាលក៏កំពុងកៀកចូលមកដល់ផងដែរ។ ប៉ុន្តែអ្វីដែលកាន់តែធ្វើឲ្យទស្សនិកជនភ្ញាក់ផ្អើលខ្លាំងជាងនេះ គឺនៅត្រង់ថា ស្រីវង ពេលនេះមានផ្ទៃពោះជិតឆ្លងទន្លេ នាងកាន់តែហ៊ានបញ្ចេញភាពសិចស៊ីខ្លាំង។
គេនៅចាំបានថា តារាស្រី២៦ឆ្នាំ ដែលធ្លាប់លេចមុខក្នុងនាមជាតារាកំប្លែង និងឡើងច្រៀងម្ដងម្កាល អ្នកនាង ខាត់ ស្រីវង បានជាប់ជំពាក់បេះដូងជាមួយកន្លង់វ័យជាង៤០ឆ្នាំប្លាយ ជាអាណិកជនខ្មែរអាមេរិក មានដើមកំណើតជាអ្នកស្រុកខេត្តស្វាយរៀង កាលពីពាក់កណ្ដាលឆ្នាំ២០១០មុននេះ ហើយក្រោយពីមានការស្វែងយល់យកចិត្តគ្នាអស់រយៈពេលយូរឆ្នាំមកនោះ អ្នកទាំងពីរក៏បានសម្រេចចិត្តជ្រើសយកវេលាចូលរោងជ័យតាមប្រពៃណីកាលពីអំឡុងឆ្នាំ២០១១។
អ្នកនាង ខាត់ ស្រីវង បន្ទាប់ពីរៀបអាពាហ៍ពិពាហ៍ផ្លូវការតាមគន្លងប្រពៃណីជាមួយបុរសជាស្វាមីរួចមក នាងក៏បានសម្រេចចិត្តផ្អាកការងារសិល្បៈទាំងស្រុង និងបានសម្រេចចិត្តចាកចេញពីទឹកដីប្រទេសកំណើត ដើម្បីទៅរួមរស់សាងសុភមង្គលជាមួយស្វាមីនៅលើទឹកដីប្រទេសមហាអំណាចសហរដ្ឋអាមេរិករហូតដល់បច្ចុប្បន្ននេះ៕
ខាត់ ស្រីវង សម្ញែងរូបថតមានផ្ទៃពោះជិតគ្រប់ខែពីទឹកដីអាមេរិក
0 Comments