លោកបន្តថា ថ្នាក់ដឹកនាំមន្ត្រីនគរបាលអន្តោប្រវេសន៍នៅតាមប៉ុស្តិ៍អន្តរជាតិត្រូវយល់ឲ្យបានច្បាស់នូវតួនាទីភារកិច្ចរបស់ខ្លួន ដោយយកចិត្តទុកដាក់ត្រួតពិនិត្យជនបរទេសចេញចូលឲ្យមានច្បាប់ត្រឹមត្រូវ ខិតខំដោះស្រាយរាល់សកម្មភាពអសកម្មនានា ហើយមន្ត្រីទាំងអស់ពេលបម្រើការងារកុំធ្វើអ្វីដែលនាំឲ្យបះពាល់ដល់ប្រជាពលរដ្ឋក៏ភ្ញៀវជាតិ អន្តរជាតិ ត្រូវប្រកាន់អាកប្បកិរិយាទន់ភ្លន់រាបសាទឹកមុខញញឹមជានិច្ច។ តែបើជនបរទេសណាចូលប្រទេសខុសច្បាប់ ដូចជាការស្នាក់នៅខុសច្បាប់ ឬឯកសារហួសពេលកំណត់ ត្រូវបញ្ជូនទៅប្រទេសដើមវិញស្របតាមច្បាប់អន្តោប្រវេសន៍របស់ប្រទេសកម្ពុជា។ ទន្ទឹមនេះថ្នាក់ដឹកនាំមន្ត្រីនគរបាលអន្តោប្រវេសន៍នៅតាមប៉ុស្តិ៍អន្តរជាតិត្រូវមានកិច្ចសហការល្អជាមួយសមត្ថកិច្ចពាក់ព័ន្ធនានាដើម្បីបំពេញភារកិច្ចទទួលជោគជ័យ ជាពិសេសត្រូវមានកិច្ចសហប្រតិបត្តិការជាមួយភាគីថៃឲ្យល្អដើម្បីសម្រួលដល់ការធ្វើដំណើរបស់ភ្ញៀវជាតិ អន្តរជាតិបានប្រសើរឡើង។
ក្នុងឱកាសនោះដែរលោកនាយឧត្ដមសេនីយ៍ សុខ ផល ក៏បានចែកអំណោយដល់កងកម្លាំងនគរបាលអន្តោប្រវេសន៍ប្រចាំច្រកអន្តរជាតិព្រំរួមមានអង្ករ ទឹកត្រី ទឹកស៊ីអ៊ីវ មី ប៊ីចេង អំបិល ខ្ទឹមស ទឹកសុទ្ធ និងថវិកាចំនួន ២០លានរៀល។
សូមបញ្ជាក់ថា កម្លាំងនគរបាលអន្តោប្រវេសន៍ប្រចាំច្រកអន្តរជាតិព្រំមានចំនួន៣៤នាក់ហើយបច្ចុប្បន្ននេះមិនទាន់មានកន្លែងស្នាក់នៅទេ ដូច្នេះ លោកនាយឧត្តមសេនីយ៍ សុខ ផល ក៏បានផ្តល់ដី និងសាងសង់អាគារស្នាក់នៅពេលឆាប់ៗខាងមុខនេះ៕
នាយឧត្ដមសេនីយ៍សុខ ផលសំណេះសំណាល និងចែកអំណោយដល់កម្លាំងនគរបាល
0 Comments