ករណីនេះកើតមានឡើង ខណៈពេលដែលក្មេងស្រីម្នាក់រងការចាក់ឲ្យរងរបួសយ៉ាងធ្ងន់ ដោយសារជនជាតិជ្វីហ្វរ៉ាឌីកាល់ម្នាក់ នៅឯការដើរដង្ហែក្បួនដ៏សប្បាយរីករាយនៃមនុស្ស ដែលនិយមប្រតិព័ទ្ធភេទដូចគ្នាមួយ ហើយបានស្លាប់ទៅដោយសារតែរងរបួសធ្ងន់ពេក។
ក្មេងស្រីដែលមានអាយុ១៦ឆ្នាំ ឈ្មោះ Shira Banki រងរបួសយ៉ាងធ្ងន់ ដោយសារតែជនជ្វីហ្វអ័រតូដុកម្នាក់ រួមជាមួយគ្នីគ្នា៥នាក់ផ្សេងទៀត ប្រព្រឹត្ដនៅក្នុងពិធីដើរដង្ហែជាក្បួននៃក្រុមមនុស្សដែលនិយមប្រតិព័ទ្ធភេទដូចគ្នានេះ នៅក្រុងហ្សេរុយសាឡឹម កាលពីថ្ងៃព្រហស្បតិ៍។ រឿងនេះហើយ ដែលនាំឲ្យមានការកោះប្រជុំគណៈរដ្ឋមន្ដ្រីមួយ ដោយនាយករដ្ឋមន្ដ្រីអ៊ីស្រាអែល លោក Benjamin Netanyahu ដែលជំរុញឲ្យមានការតបតជាផ្លូវការដើម្បីទប់ទល់ទៅនឹងអំពើហិង្សាក្នុងប្រទេសនោះ។
នេះត្រូវបានចាត់ទុកថា ជាការឃុំខ្លួនតាមនីតិវិធីរដ្ឋបាលដែលអនុញ្ញាតឲ្យអាជ្ញាធរឃុំខ្លួនជនជាប់សង្ស័យ រយៈពេលលើសពី៦ខែ ដោយមិនចាំបាច់ជាប់បន្ទុកចោទប្រកាន់អាស្រ័យទៅតាមការសម្រេចដោយរដ្ឋមន្ដ្រីក្រសួងយុត្ដិធម៌អ៊ីស្រាអែល។
នៅពេលបើកកិច្ចប្រជុំគណៈរដ្ឋមន្ដ្រីកាលពី ពេលថ្មីៗនេះ លោក Netanyahu បានលើកឡើងថា យើងត្រូវបានកំណត់ចំពោះការប្រយុទ្ធតបតទៅនឹងអំពើប្រឆាំងដោយបាតុកម្ម ព្រោះតែការស្អប់ ការនិយមបក្សណាមួយហួសហេតុពេក ព្រមទាំងរាល់អំពើភេរវកម្មនិយមបង្កឡើងមិនថា មកពីខាងណានោះទេ។
នៅត្រង់ចំណុចនេះហើយ មានជនប៉ាឡេស្ទីនដល់ទៅជាង៥,០០០នាក់ ដែលរងការចាប់ឃុំឃាំងដោយនីតិវិធីរដ្ឋបាល ប៉ុន្ដែមិនមានជនអ៊ីស្រាអែលឡើយ នេះបើយោងតាមការលើកឡើងពីក្រុមសិទ្ធិមនុស្សអ៊ីស្រាអែល B’Tselem ឲ្យដឹងនោះ៕
Reuters
ក្មេងស្រីអាយុ១៦ឆ្នាំរងការចាក់សម្លាប់ នៅពេលដើរដង្ហែក្បួនប្រកបដោយមោទនភាព
0 Comments