កាលនោះគេធ្លាប់ចាំបានថា បន្ទាប់ពីផ្ទុះបញ្ហាជម្លោះនេះឡើង គឺអ្នកទាំងពីរបានផ្ដាច់ការទាក់ទងគ្នាអស់រយៈពេលប្រមាណជា៣ខែ។ មិនតែប៉ុណ្ណោះ សូម្បីតែផ្ទះមួយល្វែងដែលបុរសអាណិកជនខ្មែរម្នាក់នេះទិញឲ្យ ក៏ត្រូវពពាយនាយលក់ចែកលុយគ្នាផងដែរ។ ត្បិតតែយ៉ាងនេះក៏ពិតមែន តែចំណងស្នេហ៍របស់អ្នកទាំងពីរក៏ត្រូវបានផ្សះផ្សាត្រូវរ៉ូវគ្នាឡើងវិញក្រោយពេលបែកគ្នាបានជាងបីខែ។
ដំណើរខ្សែជីវិតនៃការសាងស្នេហ៍ជាថ្មីលើកទីពីររបស់តារាចម្រៀងស្រីនិយមការសិចស៊ី នាងប៊ុន ផៃលី បានធ្វើឱ្យមហាជនជាច្រើនដាក់ការចាប់អារម្មណ៍ និងតាមដានចង់ដឹងជុំវិញរឿងនេះស្ទើរតែគ្រប់គ្នា។ ទោះជាយ៉ាងណាក្តី រឿងរ៉ាវស្នេហានេះវាក៏បានស្ងប់ស្ងាត់ទៅវិញអស់រយៈពេលជាយូរខែណាស់មកហើយ ប៉ុន្តែស្រាប់តែថ្មីៗនេះ ក៏ធ្លាយព័ត៌មានចុងក្រោយមកថា ជីវិតស្នេហ៍ នាង ប៊ុន ផៃលីន និងបុរសម្នាក់នោះបានដើរដល់ទីបញ្ចប់ ខណៈអតីតគូស្នេហ៍រកបាននារីថ្មីក្មេងជំនួសនាង។
ប្រភពពីរង្វង់អ្នកសិល្បៈបានទម្លាយមកថា តារាចម្រៀងនិយមភាពសិចស៊ី កញ្ញា ប៊ុន ផៃលីន មុននេះបានផ្ទុះជម្លោះយ៉ាងក្ដៅគគុកជាមួយបុរសដែលជាសង្សារនៅប្រទេសអូស្ត្រាលី។ មិនត្រឹមតែប៉ុណ្ណោះ ចំណងស្នេហ៍ដែលនាងបានសាងមកជាយូរមកហើយនោះ ក៏ឈានទៅរកផ្លូវបែកបាក់ទៀតផង។
ប្រភពបានបន្ថែមថា ការបែករេចិត្តទៅមានស្រីផ្សេងពីសំណាក់បុរសសង្សារដែលជាអាណិកជនឆ្លងទ្វីបម្នាក់នេះ ព្រោះតែកញ្ញា ប៊ុន ផៃលីន ជាអ្នកផ្ដើមសាងបញ្ហាឡើងដោយខ្លួនឯង….។ ធ្វើអ្វីតាមតែចិត្តនាង មិនគិតពីអារម្មណ៍អ្នកដទៃ មិនត្រឹមតែប៉ុណ្ណោះ បើនាងចង់បានអ្វី គឺបានមកភ្លាមៗដោយមិនទុកឱកាសឲ្យគេគិតសិនទេ។ នេះជាហេតុផលដែលនាំឲ្យបុរសសង្សារងាកទៅស្រលាញ់ស្រីផ្សេង។
កម្ពុជាថ្មី នៅព្រឹកថ្ងៃទី០៤ ខែសីហា ឆ្នាំ២០១៥នេះ នៅមិនទាន់អាចសុំការបកស្រាយពីសំណាក់កញ្ញា ប៊ុន ផៃលីន ជុំវិញរឿងរ៉ាវប្រុសស្នេហ៍បែកចិត្តនេះបាននៅឡើយទេ ព្រោះលេខទូរស័ព្ទនាងត្រូវបានបិទ៕
ប៊ុន ផៃលីន សង្សារបែកចិត្ត
0 Comments