ប្រតិបត្តិការចាប់រថយន្តដឹកទំនិញគេចពន្ធខាងលើនេះធ្វើឡើង កាលពីវេលា ម៉ោង៤និង៣០នាទី វេលាទៀបភ្លឺ ព្រឹកថ្ងៃទី០១ ខែសីហា ឆ្នាំ២០១៤ ស្ថិតនៅភូមិព្រែកហូរលិច សង្កាត់ ព្រែកហូរ ក្រុងតាខ្មៅ។
រថយន្តដែលត្រូវចាប់ឃាត់នោះ ម៉ាក សាមយ៉ុងកែច្នៃខុសបច្ចេកទេស ពាក់ស្លាកលេខភ្នំពេញ2AE-6751 ដឹកទំនិញគេចពន្ធពេញប្រៀប ឆ្លងតាម ច្រកព្រំដែនភ្នំឌិន ស្រុកគីរីវង្សខេត្ត តាកែវ ឆ្លងកាត់តាមស្រុកកណ្តាល ស្ទឹង ខេត្តកណ្តាល ឆ្ពោះទៅដាក់ក្នុង ឃ្លាំង នៅសង្កាត់ព្រែកប្រា ខណ្ឌច្បារ អំពៅរាជធានីភ្នំពេញ ដែលទំនិញ គេចពន្ធនេះត្រូវគេស្គាល់ឈ្មោះថា ចែ ស្រី។
ក្រោយពីធ្វើការឃាត់រថយន្តខាងលើ គេពុំឃើញម្ចាស់ចុះមកដោះស្រាយ ភ្លាមៗនោះទេ រហូតដល់ម៉ោងជាង១ រសៀលថ្ងៃដដែល ទើបគេឃើញ ម្ចាស់ទំនិញឈ្មោះ ចែស្រី ជិះរថយន្ត ហាយឡែនឌ័រពាក់ស្លាកលេខ4pln 296 មកជួបនិយាយជាមួយកម្លាំង កងរាជអាវុធហត្ថ តែមិនបានអោយ សោរថយន្តទៅកម្លាំងកងរាជអាវុធហត្ថ ហើយបើកយករថយន្តទៅទុក្ខដោះស្រាយ ដោយនិយាយទូរស័ព្ទមួយសន្ទុះហើយប្រាប់ថា ចាំគយមកដោះស្រាយ ហើយក៏បើករថយន្តខ្លួនដឹកតៃកុង ឡានដឹកទំនិញទៅបាត់ទៅ ដែលធ្វើ អោយកម្លាំងកងរាជអាវុធហត្ថខកចិត្ត ត្បិតអង្គុយចាំរថយន្តដឹកទំនិញ នេះតាំងពីម៉ោង៤ព្រឹកមក។
ការហូរចូលទំនិញគេចពន្ធត្រូវគេដឹងថា ដោយសារមានការបើកដៃពីមន្ត្រីជំនាញសេដ្ឋកិច្ច និងមន្ត្រីគយច្រកភ្នំដិន ខេត្តតាកែវ មន្ត្រីគយស្រុក កណ្តាលស្ទឹង និងមន្ត្រីគយក្រុងតា ខ្មៅផងដែរ។ តាមការអោយដឹងពី មន្ត្រីកងរាជអាវុធហត្ថ អោយដឹងថា ទំនិញគេចពន្ធខាងលើសុទ្ធតែមាន តម្លៃថ្លៃ បើបង់ពន្ធចូលរដ្ឋយ៉ាង ហោចមួយរថយន្តនេះ ក៏ជាង១ម៉ឺន ដុល្លារដែរ។
សូមបញ្ជាក់ថា ពេលបញ្ជូនរថយន្តដឹកទំនិញទៅដល់ស្នាក់ការគយ កម្លាំងកងរាជអាវុធហត្ថ និងកម្លាំងមន្ត្រីគយបានឆែកឆេរ និងរើសម្ភារៈនៅក្នុងរថយន្ត រួមមានចំនួន ១៥ មុខ ពូកដេកចំនួន២១ ស្មើនិង៣៣៦គីឡូក្រាម បៅអ៊ីដែកបត់ចំនួន៦៨ស្មើនិង១០៨៨គីឡូក្រាម ស្កុតមុខពីរចំនួន៣កេះ ស្មើនិង៣៣គីឡូក្រាម ចានគុយទាវជ័រ ២២បេ ស្មើនិង៦៨២គីឡូក្រាម សំឡីត្បាល់ត្រចៀក ៣បេ ស្មើនិង ៨៤គីឡូក្រាម កន្សែងពោះគោ ១បេ ស្មើនិង៣៧គីឡូក្រាម ស្រទបម៉ូតូ ៥បេ ស្មើនិង៣៦គីឡូក្រាម សំឡីម៉ាស់ ៤៥ដុំស្មើនិង៦៧៥គីឡូក្រាម ហ្វឺតសរសេរ ២កេះ ស្មើនិង៣៤គីឡូក្រាម
សំណាញ់ដែកលះ ៣០ដុំ ស្មើនិង២៤០គីឡូក្រាម ស្បែកជើងក.វែងជ័រ ១៥បេស្មើនិង ៩០០គីឡូក្រាម អំបោះហុង១បេ ស្មើនិង១៤គីឡូក្រាម ទានដុត ១៥កេះ ស្មើនិង៤៣៥គីឡូក្រាម ចង្កឹះឫស្សី ១៧៣ បេស្មើនិង ៦០៥៥គីឡូក្រាម ស្បែកជើងជ័រ ៤បេ ស្មើនិង ២២០គីឡូក្រាម។ សម្ភារៈសរុបចំនួន ១៥ មុខស្មើនិង១១០១០៨គីឡូក្រាម៕
កងរាជអាវុធហត្ថខេត្តកណ្តាលចាប់រថយន្តដឹកទំនិញគេចពន្ធពីវៀតណាម
0 Comments