ប្រភពបាននិយាយទៀតថា បុរសម្នាក់នោះមានវ័យប្រហែលមិនលើសពី៣០ឆ្នាំទេ និងមានរូបរាងស្រស់សង្ហា ឫកពាជាកូនអ្នកមានទ្រព្យសម្បត្តិច្រើន មានឋានៈខ្ពង់ ជាប្រចាំគេតែងបានឃើញនាងជាមួយបុរសម្នាក់នេះកាន់ដៃគ្នាឡើងរថយន្តស៊េរីទំនើបជិះចេញទៅក្រៅយ៉ាងស្និទ្ធស្នាលបំផុត។
ប្រភពដដែលបានបន្ថែមថា មិនត្រឹមតែស្រលាញ់តារាសម្ដែងកំពុងមានហាងឆេងឆក់បានតំណែងតួឯកស្ទើរគ្រប់រឿង កញ្ញាជេស ស៊ីកា ខ្លាំងនេះទេ បុរសម្នាក់នោះថែមទាំងជាអ្នកនៅក្រោយខ្នងនៃភាពហ៊ឺហារបស់នាងទៀតផង ព្រោះសង្សារកូនអ្នកធំម្នាក់នោះ តែងឧបត្ថម្ភលុយកាក់ដល់តារាស្រីរូបនេះជាប្រចាំ។
ប្រាប់កម្ពុជាថ្មីតាមទូរស័ព្ទនៅរសៀលថ្ងៃទី៣១ ខែកក្កដា ឆ្នាំ២០១៥នេះ តារាសម្ដែងសាច់ខ្ចីកញ្ញា ជេស ស៊ីកា បាននិយាយដោយចុងមាត់ចុង.ក ចោទជាសំនួរមកវិញថា អ្នកណាគេនិយាយបង (សើច)…..? ខ្ញុំសុំលាក់អត់បកស្រាយទេបង។ ប៉ុន្តែនៅពេលសួរជជីកខ្លាំងពេក ត្រូវបានកញ្ញា ជេស ស៊ីកា និយាយលាយឡំសំណើចថា ចាស បង ! មានមែន តែមិនអាចបញ្ចេញឈ្មោះគាត់បានទេ។
កញ្ញា ជេស ស៊ីកា បាននិយាយយ៉ាងខ្លីទៀតថា ខ្ញុំមិនអាចបញ្ចេញឈ្មោះប្រាប់ថាជានរណាម្នាក់បានឡើយ។ ខ្ញុំឆ្ងល់ណាស់ ហេតុអ្វីបានគេដឹងរឿងលឿងម្ល៉េះ បងប្រាប់ខ្ញុំតិចបានទេ អ្នកណាគេជាអ្នកនិយាយហ្នឹង។ យើងទាំងពីរស្គាល់គ្នាយូរណាស់ហើយដែរ គាត់មានអាយុមិនច្រើន ហើយក៏មិនតិចពេកដែរ៕
ជេស ស៊ីកា មានកូនប្រុសអ្នកធំជួយទំនុកបម្រុង
0 Comments