ពោធិ៍សាត់ ៖ បុរសម្នាក់ត្រូវបានរន្ទះបាញ់ដែលមានសំណាងយ៉ាងខ្លាំងឆ្លងផុតអាយុជីវិតបន្ទាប់ពីបញ្ជូនសង្គ្រោះជាបន្ទាន់ខណៈដែលមេឃធ្លាក់ភ្លៀងអង្គុយដាំបាយ។
ហេតុការណ៍នេះបានកើតឡើងកាលពីវេលាម៉ោង៥និង១៦នាទីល្ងាច ថ្ងៃទី១៩ ខែសីហា ឆ្នាំ២០១៥ក្នុងភូមិកំពង់ក្រសាំងក្រោម ស្រុកឃុំកណ្ដៀង ខេត្តពោធិ៍សាត់។
លោក ស៊ិន សុខា អធិការងទទួលបន្ទុកព្រហ្មទណ្ឌនគរបាលស្រុកកណ្ដៀងបានឲ្យដឹងថាបុរសរងគ្រោះឈ្មោះ ម៉ាន រស់ អាយុ២៥ឆ្នាំនៅភូមិកើតហេតុខាងលើមុខរបរជាកសិករ។ នៅមុនកើតហេតុមានភ្លៀងធ្លាក់យ៉ាងខ្លាំងហើយមានខ្យល់កន្ត្រាក់ខ្លាំងក្លាអមដោយផ្គររន្ទះបាញ់គ្រហឹមពេញមេឃបុរសនោះក៏បានចុះពីលើផ្ទះដើរទៅ រោងបាយក្បែរផ្ទះនោះដាំបាយពេលមេឃកំពង់ធ្លាក់ភ្លៀង បុរសនោះក៏បានចាប់ផ្ដើមលាងអង្ករច្រកឆ្នាំបង្កាត់ភ្លើងដាំស្រាប់តែរន្ទះធម្មជាតិបានបាញ់បុរសនោះត្រូវរាងឆិតបន្តិចគ្រាប់រន្ទះនោះក៏បានទៅប៉ះនិងដើមដូងក្បែរផ្ទះបាយនោះឆេះខ្លោចខ្ទេចឯបុរសនោះប្រកាច់ស្លខ្យល់ក៏ត្រូវបញ្ជូនទៅមន្ទីរពេទ្យបង្អែកស្រុកកណ្ដៀង តែស្ថានភាពធ្ងន់ពេកក៏បញ្ជូនទៅកាន់មន្ទីរពេទ្យខេត្តតែម្ដង។
លោកសិន សុខា បន្តថា នៅព្រឹកថ្ងៃទី២០ ខែសីហា ឆ្នាំ២០១៥នេះ លោកបានប្រាប់ឲ្យដឹងថាជនរងគ្រោះនេះមានសំណាងណាស់ត្រូវបានគ្រូពេទ្យសង្គ្រោះផុតពីសេចក្ដីស្លាប់ហើយ ហើយពេលនេះគេបានធូរស្រាលបានច្រើនវិលត្រឡប់ទៅផ្ទះវិញនារសៀលថ្ងៃទី២០ ខែសីហានេះវិញហើយ៕
បុរសម្នាក់រន្ទះបាញ់ឆិតខ្លួនប្រកាច់ស្លខ្យល់បញ្ជូនទៅពេទ្យសង្គ្រោះទាន់ពេល
0 Comments