ភ្នំពេញ ៖ រដ្ឋមន្ត្រីក្រសួងអប់រំយុវជន និងកីឡា លោក ហង់ ជួន ណារ៉ុន បានស្នើសុំឲ្យ អភិបាលខេត្តរាជធានី នៅទូទាំងប្រទេសជួយទប់ស្កាតកុំឲ្យ ម្ចាស់ ផ្ទះសំណាក់ និងសណ្ឋាគារឡើងថ្លៃនៅអំឡុងពេលប្រឡងបាក់ឌុប នោះនៅពេលខាងមុខនេះ។ នេះបើយោងតាមលិខិតរបស់ លោកហងជួនណារ៉ុន ផ្ញើទៅអភិបាលខេត្ត រាជធានី។
ក្នុងលិខិតរបស់លោក រដ្ឋមន្ត្រីក្រសួងអប់រំ យុវជន និងកីឡាបានឲ្យដឹងថា ការប្រឡងសញ្ញាបត្រ មធ្យមសិក្សា ទុតិយភូមិ បាក់ឌុប និងប្រព្រឹត្តទៅ នៅថ្ងៃទី២៤ និង២៥ ខែសីហា ឆ្នាំ២០១៥ខាងមុខនេះ ដែលមណ្ឌលប្រឡង ត្រូវបានប្រមូលផ្តុំនៅតាមខេត្តរាជធានី។ សិស្សដែលជាបេក្ខជនប្រឡង ព្រមទាំងមាតាបិតា អាណាព្យាបាល និងមកប្រមូលផ្តុំ នៅតាមខេត្តរាជធានី ដែលជាទីតាំង របស់មណ្ឌលប្រឡង ចាប់តាំងពី មួយថ្ងៃមុនដំណើរការប្រឡង។
លោក ហង់ ជួនណារ៉ុន បានបញ្ជាក់នៅក្នុងលិខិតនោះទៀតថា ដើម្បីចូលរួមចំណែក សម្រាលបន្ទុក ដល់បេក្ខជន ដែលមកពី គ្រួសារមានជីវភាព លំបាក ព្រមទាំងចូលរួម ជួយជ្រោមជ្រែង ជាកំលាំង ស្មារតី ក្រសួងអប់រំនិងកីឡា ស្នើសុំកិច្ចគាំទ្រ និងកិច្ចសហការ ក្នុងការសម្របសម្រួលពី អភិបាល ខេត្តរាជធានី ដើម្បីអោយម្ចាស់អាជីវកម្ម ផ្ទះសំណាក់និងសណ្ឋាគារ មិនដំឡើងថ្លៃ បន្ទាប់ស្នាក់នៅ ក្នុងអំឡុងប្រឡងបាក់ឌុប។
នៅបាំងតែ៤ថ្ងៃទៀតប៉ុណ្ណោះ តាមវិទ្យាល័យជាច្រើនកន្លែងនៅក្រុងភ្នំពេញនិងតាមបណ្តាខេត្ត និងមានការមមាញឹក។ ការប្រឡងសញ្ញាប័ត្របាក់ឌុប នឹងត្រូវធ្វើឡើង នៅថ្ងៃទី២៤-២៥ ខែសីហា ២០១៥ ដោយមានបេក្ខជនចូលរួមប្រឡងទូទាំងប្រទេសចំនួន ៨៨.៤៨៨ នាក់ ត្រូវនឹង ១៤៩ មណ្ឌល ស្មើនឹង ៣.៥៧៦ បន្ទប់។
សូមជំរាបថា ការប្រឡងបាក់ឌុបឆ្នាំនេះនិងមានការកែសម្រួលឲ្យល្អប្រសើរជាងឆ្នាំមុន ពោលគឺមិនមានការប្រឡងជាលើកទី២នោះទេ ហើយអង្គភាពប្រឆាំងអំពើពុករលួយនិងចាត់វិធានការទៅតាមផ្លូវច្បាប់ ចំពោះជនណាដែលប្រឡងជំនួសឬលក់វិញ្ញាសាក្លែងក្លាយ៕
ក្រសួងអប់រំស្នើសុំឲ្យអភិបាលខេត្តរាជធានីជួយទប់ស្កាត់ការតម្លើងថ្លៃផ្ទះសំណាក់
0 Comments