លោក ឃ្លាំង ហួត បានប្រកាសបែបនេះនៅក្នុងអង្គប្រជុំមួយរបស់សាលាខណ្ឌជ្រោយចង្វាកាលពីពេលកន្លងមក ដែលមានមន្ត្រីសង្កាត់ទាំងអស់បានចូលរួម ហើយក៏ពាំនាំមកប្រាប់បន្តដល់បងប្អូនទាំងអស់ ឲ្យលែងព្រួយបារម្ភ។
ប្រជាពលរដ្ឋទាំងអស់រួមទាំងសាច់សារលោ ហិតផងបានសម្តែងការអបអរសាទរនិងថ្លែងអំណរគុណយ៉ាងជ្រាលជ្រៅចំពោះចំណាត់របស់លោកឃ្លាំងហួត រួមនឹងមន្ត្រីអាជ្ញាធរគ្រប់ជាន់ថ្នាក់ ក៏ដូចជារាជរដ្ឋាភិបាល ដែលដឹកនាំដោយសម្តេចតេជោហ៊ុនសែន ដែលបានប្រគល់អគារប៉ាស្ទ័រឲ្យពួកគាត់រស់នៅដោយស្របច្បាប់ ហើយព្រមទាំងសន្យាថា នឹងវាស់វែងចេញប្លង់កម្មសិទ្ធិជូនបងប្អូននៅរយៈដ៏ខ្លីខាងមុខនេះ។
គួរបញ្ជាក់ថា អគារប៉ាស្ទ័រ កាលពីសម័យមុនជារបស់រដ្ឋ ស្ថិតនៅភូមិ២សង្កាត់ ខណ្ឌជ្រោយចង្វា មានកម្ពស់៣ជាន់ ដែលសព្វថ្ងៃមានប្រជាពលរដ្ឋស្នាក់នៅរាប់រយគ្រួសារ។
លោកឃ្លាំងហួតអភិបាលនៃគណៈអភិបាលខណ្ឌជ្រោយចង្វា បានមានប្រសាសន៍ថា ជាច្រើនឆ្នាំកន្លងមក ប្រជាជនរស់នៅអគារប៉ាស្ទ័រទាំងអស់គាត់ម្នាក់ៗមានការព្រួយបារម្ភយ៉ាងខ្លាំង ម្តងលឺថា រដ្ឋយកវិញម្តងលឺថា មានក្រុមហ៊ុននេះទិញក្រុមហ៊ុននោះទិញ ម្តងថាគេនឹងដេញប្រជាពលរដ្ឋចេញ ដោយប្រជាពលរដ្ឋគាត់រស់នៅគ្មានលំនឹងចិត្តសោះ។ ប៉ុន្តែពេលនេះ ពួកគាត់លែងព្រួយបារម្ភដេកលែងលក់ទៀតហើយ ដោយលោកអភិបាលបានសន្យាថា ដរាបណាលោកនៅជាអភិបាលខណ្ឌជ្រោយចង្វាលោកនឹងការពារផ្ទះដីធ្លីរបស់ប្រជាពលរដ្ឋឲ្យបាន ព្រោះនៅខណ្ឌនេះគ្មាននយោបាយដោះដូរឬបណ្ដេញ ប្រជាជនចេញដោយមិនមានការព្រមព្រៀងនោះទេ។
លោកបន្តថា មិនមានក្រុមហ៊ុនណាមួយហ៊ានមករំលោភយកឬទិញទេបើបងប្អូនមិនព្រម ហើយនៅចាំតែថ្ងៃខាងជំនាញចុះវាស់វែងធ្វើប័ណ្ណកម្មសិទ្ធិស្របច្បាប់តែប៉ុណ្ណោះ ដូច្នេះសូមបងប្អូនកុំព្រួយឲ្យសោះ៕
ពលរដ្ឋរស់នៅអគារប៉ាស្ទ័រថ្លែងអំណរគុណអាជ្ញាធរខណ្ឌជ្រោយចង្វាដែលជួយដោះស្រាយជូនពួកគាត់
0 Comments