រតនគិរី ៖ បុរសចំណាស់អាយុ៦២ឆ្នាំម្នាក់បានសម្រេចជីវិតខ្លួនឯងដោយធ្វើអត្តឃាតចង.ក នឹងខ្សែអង្រឹងជាប់ធ្នឹមខ្ទមចម្ការស្លាប់បាត់បង់ជីវិតចោលប្រពន្ធកូនឲ្យកណ្ដោចកណ្ដែង។
ហេតុការណ៍ភ្ញាក់ផ្អើលនេះបានកើតឡើងកាលពីវេលាម៉ោង៤និង១០នាទីល្ងាច ថ្ងៃទី១៩ ខែសីហា ឆ្នាំ២០១៥ នៅត្រង់ចំណុចក្នុងខ្ទមចម្ការស្វាយចន្ទីមួយកន្លែង(ហៅអូរកាទឹង) ស្ថិតក្នុងភូមិឡូន សង្កាត់យក្ខឡោម ក្រុងបានលុង ខេត្តរតនគិរី។
មន្ត្រីនគរបាលប៉ុស្តិ៍យក្ខឡោមបានឲ្យដឹងថា បុរសដែលធ្វើអត្តឃាតខ្លួនឯងត្រូវបានគេស្គាល់ឈ្មោះ វឹង ផាន ភេទប្រុស អាយុ៦២ឆ្នាំ ជនជាតិទំពួន មុខរបរកសិករ មានទីលំនៅភូមិ/ឃុំកើតហេតុខាងលើ មានប្រពន្ធ និងកូនស្រីចំនួនពីរនាក់រស់នៅក្នុងបន្ទុក។
ប្រភពបានបន្តទៀតថា មុនពេលកើតហេតុ ជនរងគ្រោះត្រូវបានគេដឹងថាមានជំងឺប្រចាំកាយរ៉ាំរ៉ៃ ព្យាបាលមិនចេះជាសះស្បើយអស់រយៈជាយូរឆ្នាំមកហើយ ហើយធ្វើឲ្យរូបគេអស់សង្ឃឹមជាខ្លាំង ម្យ៉ាងទៀតកត្តាជីវភាពប្រចាំថ្ងៃជួបការលំបាកទីទាល់ក្រថែមទៀត បណ្ដាលឲ្យជនរងគ្រោះសម្រេចចិត្តជ្រើសរើសយកផ្លូវនេះតែម្ដង។
ក្រោយពីកើតហេតុ សមត្ថកិច្ចនគរបាលប៉ុស្តិ៍សង្កាត់យក្ខឡោមបានចុះទៅដល់កន្លែងកើតហេតុធ្វើកោសល្យវិច័យហើយបានបញ្ជាក់ថា ជនរងគ្រោះពិតជាធ្វើអត្តឃាតចង.ក ប្រាកដមែន។ សាកសព សមត្ថកិច្ចបានប្រគល់ឲ្យក្រុមគ្រួសារដើម្បីធ្វើបុណ្យតាមប្រពៃណីជនជាតិដើមភាគតិចទំពួន៕
ជនជាតិទំពួនម្នាក់ចង.ក សម្លាប់ខ្លួន ខណៈមានជំងឺរ៉ាំរ៉ៃប្រចាំកាយ
0 Comments