ភ្នំពេញ ៖ គណៈប្រតិភូសភាកម្ពុជា ដឹកនាំដោយលោកបណ្ឌិត ងួន ញ៉ិល អនុប្រធានទី២រដ្ឋសភា បានអញ្ជើញទៅចូលរួមកិច្ចប្រជុំគណៈកម្មការអចិន្ត្រៃយ៍កិច្ចការសេដ្ឋកិច្ច និងការអភិវឌ្ឍប្រកបដោយចីរភាពរបស់សភាតំបន់អាស៊ីនៅទីក្រុងហ្សាកាតា នៃសាធារណរដ្ឋឥណ្ឌូនេស៊ី នាព្រឹកថ្ងៃទី ១៧ ខែសីហា ឆ្នាំ២០១៥។
តាមសេចក្ដីប្រកាសព័ត៌មាន របស់អគ្គលេខាធិការដ្ឋានរដ្ឋសភាបានឱ្យដឹងថា កិច្ចប្រជុំនេះ ដែលចាប់ផ្តើមពីថ្ងៃទី១៧ ដល់ថ្ងៃទី២១ ខែសីហា ឆ្នាំ២០១៥ ផ្ដោតសំខាន់លើការពិភាក្សាជុំវិញសេចក្តីព្រាងសេចក្ដីសម្រេចដែលបានរៀបចំរួចមានចំនួន ៥ ដើម្បីដាក់ជូនកិច្ចប្រជុំក្រុមប្រឹក្សាប្រតិបត្តិលើកទី១ធ្វើការពិនិត្យ មុននឹងដាក់ជូនមហាសន្និបាតលើកទី៨ ដែលនឹងប្រារព្ធធ្វើនៅព្រះរាជាណាចក្រកម្ពុជា នាដើមខែធ្នូ ឆ្នាំ២០១៥ខាងមុខធ្វើការអនុម័ត៕
គណៈប្រតិភូសភាកម្ពុជាទៅចូលរួមកិច្ចប្រជុំគណៈកម្មការអចិន្ត្រៃយ៍កិច្ចការសេដ្ឋកិច្ច និងការអភិវឌ្ឍរបស់សភាតំបន់អាស៊ីនៅប្រទេសឥណ្ឌូណេស៊ី
0 Comments