ភ្នំពេញ ៖ លោកសម រង្ស៊ី ប្រធានគណបក្សសង្គ្រោះជាតិកាលពីព្រឹកថ្ងៃទី១៧ ខែសីហា ឆ្នាំ២០១៥ បានធ្វើដំណើរទៅសួរសុខទុក្ខសកម្មជនរបស់ខ្លួន ដែលត្រូវបានចោទប្រកាន់ និងដាក់ពន្ធនាគារចំនួន១៤នាក់កាលពីពេលថ្មីៗនេះ ប៉ុន្តែនៅក្នុងដំណើរទៅសួរសុខទុក្ខនេះ លោកសម រង្សី មិនបានជួបលោកហុង សុខហួរ សមាជិកព្រឹទ្ធសភាគណបក្សសម រង្ស៊ី ដែលទើបត្រូវបានតុលាការឃុំខ្លួនកាលពីថ្ងៃទី១៦ ខែសីហា នោះទេ ដោយសារតែមិនទាន់មានស្នើសុំ។
លោកអ៊ូ ច័ន្ទប្ញទ្ធិ មន្ត្រីអ្នកនាំពាក្យស្តីទីគណបក្សសង្គ្រោះជាតិបានថ្លែងប្រាប់កម្ពុជាថ្មី កាលពីវេលាម៉ោង១១និង៤០ នាទីមុននេះថា ខាងពន្ធនាគារបានអនុញ្ញាតឲ្យយើងចូលទៅអង្គុយជជែកគ្នាជាមួយសកម្មជនចំនួន១៤ នាក់ដែលបានចាប់ខ្លួនកន្លងមក លើកលែងតែលោក ហុង សុខហួរ ដែលទើបចាប់ខ្លួន គឺមិនបានជួបទេ ហើយការមិនបានជួបនេះ ដោយសារតែមិនបានស្នើសុំ ពីព្រោះគាត់ទើបចាប់ខ្លួន។ លោកបញ្ជាក់ថា នៅក្នុងជំនួបនោះ លោក សម រង្ស៊ី បានផ្តាំផ្ញើកុំឲ្យបាក់ទឹកចិត្ត ហើយកុំឲ្យអស់សង្ឃឹម៕
លោកសម រង្ស៊ីមិនបានជួបលោកហុង សុខហួរ សមាជិកព្រឹទ្ធសភា ដែលទើបត្រូវបានឃុំខ្លួនទេ
0 Comments