បន្ទាយមានជ័យ ៖ នៅល្ងាច ថ្ងៃទី១៤ ខែសីហា ឆ្នាំ២០១៥ នៅសាលប្រជុំសាលាខេត្តបន្ទាយមានជ័យបានបើកកិច្ចប្រជុំពិគ្រោះយោបល់ លើសេចក្តីព្រាងលើផែនការអភិវឌ្ឍខេត្តឆ្នាំ២០១៥ដល់ឆ្នាំ២០១៩។កិច្ចប្រជុំនេះមានកាចូលរួមលោក គោ ស៊ុំសារឿត អភិបាលខេត្តបន្ទាយមានជ័យ លោកអ៊ុង អឿនប្រធានក្រុមប្រឹក្សាខេត្ត និងមន្ត្រីពាក់ពន្ធជាច្រើននាក់ទៀត។
ក្នុងកិច្ចប្រជុំនោះលោកគោ ស៊ុំសារឿតបានលើកយករាល់បញ្ហាប្រឈមរបស់មន្ទីរ១០យកមកពិភាក្សា។ ១បញ្ហាប្រឈមរបស់មន្ទីរកសិកម្មទិន្នផល មានស្រូវ ពោត ដំឡូងសណ្តែក នៅមានកម្រិតគ្មានទឹកផ្គត់ផ្គង់ឲ្យបានតាមសេចក្តីត្រូវការសត្វបំផ្លាញ និងដីខ្សោះជីជាតិ។ ២មន្ទីរធនធានទឹកខ្វះប្រពន្ធធារាសាស្ត្រធំៗសម្រាប់ការងារស្រោចស្រពអាកាសធាតុប្រែប្រួលមានគ្រោះទឹកជំនន់និងគ្រោះរាំងស្ងួត។ ៣មន្ទីររ៉ែនិងថាមពលមានអាជីវកម្មរ៉ែយ៉ាងអានាធិបតេយ្យនៅតាមបណ្ដាស្រុកមួយចំនួនអាជីវករមួយចំនួនដែលអស់សុពលភាពអាជ្ញាប័ណ្ណពុំទាន់ បានស្នើសុំនិងទទួលអាជ្ញាប័ណ្ណបន្ត អគ្គិសនីនៅមានតម្លៃខ្ពស់កុងទ័រដើរលឿន។ ៤មន្ទីរគមនាគមន៍ប្រជាពលរដ្ឋមួយចំនួនសង់លំនៅដ្ឋានលើចំណីថ្នល់ រថយន្តដឹកហួសកំណត់ ប្រជាពលរដ្ឋយកសំរាមចាក់ដាក់ក្នុងលូ យានយន្តបើកហួសល្បឿនកំណត់ ដឹកលើសទម្ងន់ដែលរដ្ឋបានកំណត់ បើកមានជាតិស្រវឹងនិងមិនចេះអធ្យាស្រ័យគ្នាទៅវិញទៅមក។ ៥មន្ទីរអភិវន្ទជនបទផ្លូវធ្វើហើយជាប់មិនបានយូរថវិកាសម្រាប់ចំណាយក្នុងការស្ថាបនាផ្លូវមានកំណត់។ ៦មន្ទីរទេសចរណ៍តំបន់ទេសចរណ៍មួយចំនួនពុំទាន់មានលទ្ធភាពធ្វើការរៀបចំនិងកែលំអនៅឡើយ។ ៧ធនធានមនុស្សសមិត្តភាពជំនាញបច្ចេកទេសនិងភាសារបស់មន្ត្រីក្នុងស្ថាប័ននៅមានកម្រិតនៅឡើយ។ ៨អាជីវកម្មដំណាំកសិផលដែលប្រជាកសិករធ្វើបានពុំមានតំលៃតាមស្តង់ដារច្បាស់លាស់មានច្រករបៀងច្រើនបណ្ដាលឲ្យមានការធ្វើចរាចរណ៍ទំនិញខុសច្បាប់។ ៩អប់រំខ្វះអគារសិក្សា ខ្វះបន្ទប់រៀន បណ្ណាល័យ ទីចាត់ការ បង្គន់ ទឹកស្អាត បន្ទប់ពិសោធន៍ សិស្សបោះបង់ការសិក្សាខ្ពស់ និងពុំទាន់មានពហុកីឡាដ្ឋានខេត្ត១០សុខាភិបាល គ្រូពេទ្យនិងមន្ត្រីពេទ្យមួយចំនួននៅខ្វះក្រុមសីលធម៍ មើលងាយមើលថោកដល់អ្នកជម្ងឺដែលបានមកព្យាបាលជម្ងឺ។ លោកបានបន្តទៀតថា រាល់បញ្ហាប្រឈមរបស់មន្ទីរទាំង១០នោះត្រូវពិគ្រោះយោបល់សេចក្តីព្រាងច្បាប់យកទៅអភិវឌ្ឍបន្តនៅឆ្នាំ២០១៥ដល់ឆ្នាំ២០១៩៕
កិច្ចប្រជុំពិគ្រោះយោបល់លើសេចក្ដីព្រាង លើផែនការអភិវឌ្ឍខេត្តឆ្នាំ២០១៥ដល់ឆ្នាំ២០១៩
0 Comments