ភ្នំពេញ ៖ កម្លាំងសមត្ថកិច្ចនគរបាលស្នងការរាជធានី រួមសហការជាមួយនគរបាលខណ្ឌសែនសុខបានឡោមព័ទ្ធភូមិគ្រឹះរបស់លោក យន់ ថារ៉ូ នៅជាប់ផ្លូវលេខ២០១១ ស្ថិតក្នុងភូមិគោកឃ្លាង សង្កាត់ភ្នំពេញថ្មី ខណ្ឌសែនសុខ ដើម្បីតាមចាប់ខ្លួនលោកហុង សុខហួ តំណាងរាស្ត្រគណបក្សសង្គ្រោះជាតិ។
ការឡោមព័ទ្ធបានធ្វើឡើង ចាប់តាំងពីម៉ោងប្រហែល៩យប់ថ្ងៃទី១៤ រហូតដល់ម៉ោងជាង៦ព្រឹកថ្ងៃទី១៥ខែសីហា ឆ្នាំ២០១៥ ទើបចាប់ខ្លួនបានដោយមានកម្លាំងសមត្ថកិច្ចចម្រុះចូលរួមក្នុងនោះមានតំណាងមន្ត្រីតុលាការប៉ូលិស ប៉េអឹម និងអាជ្ញាធរមូលដ្ឋានក្នុងខណ្ឌផងចូលរួមសហការ។
លោកហុង សុខហួជាសមាជិកព្រឹទ្ធសភា និងជាតំណាងរាស្ត្ររបស់គណបក្សសង្គ្រោះជាតិ ត្រូវបានចាប់ខ្លួន ពីបទក្លែងឯកសារសាធារណៈ ក្នុងរឿងផែនទីព្រំដែនរវាងប្រទេសកម្ពុជា និងប្រទេសវៀតណាមដែលកំពុងមានជម្លោះ តានតឹងនៅពេលនេះតាមរយៈ ប្រព័ន្ធបណ្ដាញសង្គម ឬ ហ្វេសប៊ុករបស់លោកនោះ ជាការមួលបង្កាច់នាំឲ្យមានការភ័ន្តច្រឡំ ពីមហាជន និងកាន់តែបង្កឲ្យមាន ទំនាស់បែកបាក់មិត្តភាពរវាងប្រទេសទាំងពីរ ដែលជាសម្ព័ន្ធមិត្តស្លាប់រស់កន្លងមក៕
សមត្ថកិច្ចឡោមព័ទ្ធភូមិគ្រឹះ លោក យន់ ថារ៉ូ ដើម្បីតាមចាប់ខ្លួនលោក ហុង សុខហួ
0 Comments