បន្ទាប់ពីប្រកាសថ្ងៃរៀបមង្គលការមិនបានប៉ុន្មានថ្ងៃផង ជាមួយលោក Huang Xiaoming ស្រាប់តែបែកធ្លាយពាក្យចចាមអារ៉ាមមួយថា កញ្ញា Angelababy ដែលជាតារាសម្តែង និងជាតារាម៉ូដែលមួយរូបដ៏ល្បីឈ្មោះនៅប្រទេសចិន មានផ្ទៃពោះ ដែលជាហេតុធ្វើឲ្យកញ្ញាខកខានដកខ្លួនចេញពីកម្មវិធី《奔跑吧兄弟》។
តាមប្រភពពីគេហទំព័រព័ត៌មានក្នុងប្រទេសចិនមួយបានឲ្យដឹងថា រហូតដល់ព្រឹកម្សិលមិញនេះ កញ្ញាបានឆ្លើយតមទៅនឹងពាក្យចចាមអារ៉ាមមួយនេះហើយ។
តាមប្រភពដដែលបានបន្តថា កញ្ញាបានបង្ហោះសារជាសំណេរថា “ចំពោះព័ត៌មានមួយចំនួន ពិតជាគ្មានអ្វីគួរនិយាយមែន សូមមេត្តាបញ្ឈប់នូវការប៉ាន់ស្មានផ្ដេសផ្ដាសទៀតទៅ ខណៈពេលនេះគួរតែទៅខ្វល់ពីសុខទុក្ខនៅ ក្រុងTianJinវិញទៅ ក្រែងលមានអ្វីអាចជួយបាន”។
គួររំលឹកផងដែរថា ចាប់តាំងពីកញ្ញា Angelababy និងលោក Huang Xiaoming បានទៅធ្វើ ប័ណ្ណបញ្ជាក់អាពាហ៍ពិពាហ៍មក ពោះរបស់កញ្ញា Angelababy បានក្លាយទៅជាចំណុចដែលប្រព័ន្ធផ្សព្វផ្សាយតាមដានយ៉ាងដិតដល់បំផុត។
ទាក់ទងនឹងរឿងមួយនេះ គេបានបង្ហើបឲ្យដឹងទៀតថា កាលពីប៉ុន្មានថ្ងៃមុននេះ លោក Huang Xiaoming បានធ្វើដំណើរទៅភ្នំ liao ning ដែលគេសង្ស័យថាលោកទៅទីនោះដើម្បីបួងសួងសុំកូនប្រុស ព្រោះតែហេតុនេះហើយក៏បានធ្វើឲ្យមានពាក្យចចាមអារ៉ាមដែលថា កញ្ញា Angelababy មានផ្ទៃពោះបានផ្ទុះឡើង៕
Angelababy មានផ្ទៃពោះ មុនពេលរៀបការ?
0 Comments