តាមប្រភពព័ត៌មានទីក្រុងហុងកុងបានឱ្យដឹងថា កាលពីថ្ងៃទី១៥ខែសីហាកន្លងទៅនេះ កញ្ញា Myolie Wu ដែលជាអតីតតារាសម្តែងនិងជាបវរកញ្ញាឯកដ៏លេចធ្លោរបស់TVB បន្ទាប់ពីប្រកាសថ្ងៃរៀបមង្គលការជាមួយលោក Philip Lee ដែលជាពាណិជ្ជករនៅទីក្រុងហុងកុងកន្លងមកនេះកញ្ញាបានបង្ហោះរូបភាពជាមួយមិត្តប្រុសរបស់កញ្ញា មួយសន្លឹក ដោយបង្ហាញពីភាពស្និទ្ធស្នាលនិងភាពផ្អែមល្អែមរបស់កញ្ញា ដើម្បីបញ្ជាក់ក្តីស្នេហ៍ឲ្យមហាជនដឹងលឺ។
បើយើងក្រឡេកទៅមើលរូបភាពមួយនោះវិញ គេបានសង្កេតឃើញថា កញ្ញា Myolie Wu និង លោក Philip Lee ត្រូវបានគេថតពីខាងក្រោយដោយអ្នកទាំង២បានកាន់ដៃគ្នា ហើយមិនត្រឹមតែប៉ុណ្ណោះ នៅលើរូបបភាពមួយនោះ កញ្ញា Myolie Wu បានសរសេរថា “អគុណដែលអ្នកមានវត្តមានក្នុងជីវិតរបស់ខ្ញុំ ទទួលយកខ្ញុំ ថែមទាំងខំស៊ូទ្រាំប្រឈមមុខនឹងឧបសគ្គទាំងឡាយជាមួយខ្ញុំ អ្នកបានផ្តល់ការគោរពនិងទុកចិត្តលើខ្ញុំ សំខាន់បំផុតគឺស្រលាញ់ខ្ញុំ។
ទាក់ទងនឹងរឿងស្នេហាភ្លើងចំបើងមួយនេះ ត្រូវបានគេបង្ហើបឲ្យដឹងទៀតថា កាលពីឆ្នាំ២០១៤កន្លងទៅនេះ Myolie Wu បានទៅកំសាន្តនៅឆ្នេរសមុទ្រជាមួយបងប្អូនស្រី និងបានថតរូបប៉ុន្មានសន្លឹកក្នុងសម្លៀកបំពាក់ឈុតហែលទឺក បង្ហាញឲ្យឃើញសាច់សខ្ចី និងដើមទ្រូងដ៏ទ្រលុកទ្រលន់របស់កញ្ញា។ បន្ទាប់មក លោក Philip Lee ក៏បានប្រទះឃើញរូបថតទាំងនោះ ហើយក៏បានធ្វើឲ្យលោកឈ្លក់វង្វេងនឹងសម្រស់របស់កញ្ញា Myolie Wu តែម្តង។ ក្រោយមក កញ្ញាបានចូលរួមពីធីខួបកំណើតមិត្តចាស់ ដែលគាប់ជួនក៏បានជួបនឺងលោកម្តងទៀត។ កញ្ញា Myolie Wu បានថ្លែងប្រាប់អ្នកសារព័តមានថា ”នៅពេលដែលបានជួប Philip ជាលើកដំបូង បេះដូងរបស់ខ្ញុំលោតដុកដាក់” ដែលគេតែងនិយាយថា ឃើញភ្លាមស្រលាញ់ភ្លែត ហើយអ្នកទាំងពីរក៏បានចាប់ផ្តើមស្គាល់គ្នាទៅវិញទៅមក ហើយភ្លើងស្នេហ៍ក៏បានឆាបឆេះឡើងតាំងពីពេលនោះមក។
គួរបញ្ជាក់ផងដែរថា ទោះបីជាគូស្នេហ៍មួយគូនេះ ទើបតែចាប់ផ្តើមមិនបានមួយឆ្នាំក៏ពិតមែន ប៉ុន្តែគេសង្កេតឃើញថា រូបគេទាំងពីរនាក់ ពិតជាបង្កប់នូវភាពល្អូកល្អើននិងភាពផ្អែមល្អែមជាងគូស្នេហ៍ដទៃទៀត។ ចំពោះថ្ងៃរៀបមង្គលការរបស់អ្នកទាំងពីវិញគឺប្រព្រឹត្តនៅថ្ងៃទី២៨ខែសីហាខាងមុខនេះនៅក្នុងប្រទេសអង់គ្លេស។
រូបភាព Myolie Wu ផ្អែមល្ហែមជាមួយមិត្តប្រុស ដើម្បីបញ្ជាក់ក្តីស្នេហ៍
0 Comments