បន្ទាយមានជ័យ ៖ នៅថ្ងៃទី១៦ ខែសីហាឆ្នាំ២០១៥នគរបាលការិយាល័យ ព្រហ្មទណ្ឌកម្រិតធ្ងន់បានចុះអនុវត្ដតាមដីកាតុលាការខេត្តបន្ទាយមានជ័យបានធ្វើការស្រាវជ្រាវឈានទៅដល់ការឃាត់ខ្លួនជនសង្ស័យវាយប្លន់ម្នាក់នៅក្រុងសេរីសោភ័ណបញ្ជូនទៅតុលាការ។
លោកវរសេនីយ៍ត្រីភឿងម៉ាន់សិង្ហនាយការិយាល័យព្រហ្មទណ្ឌកម្រិតធ្ងន់ បានឲ្យដឹងថា ជនសង្ស័យមានឈ្មោះ អ៊ុនភារុណអាយុ ២០ឆ្នាំ រស់ភូមិព្រះពន្លា សង្កាត់ព្រះពន្លា ក្រុងស្រីសោភ័ណ ខេត្តបន្ទាយមានជ័យ។
លោកភឿងម៉ាន់សិង្ហបាននិយាយបន្តថា តុលាការបានចេញដីកាបង្គាប់ឲ្យចាប់ខ្លួនជនសង្ស័យក្រោមបទចោទប្រកាន់ហិង្សាដោយចេតនាមានស្ថានទម្ងន់ទោស ប្រព្រឹត្តនៅភូមិព្រៃប្ញស្សី សង្កាត់ព្រះពន្លា កាលពីថ្ងៃទី៣ ខែមករា ឆ្នាំ២០១៥មកម្ល៉េះ។ លោក ភឿង ម៉ាន់សិង្ហ បានបញ្ជាក់ទៀតថា ក្រោយទទួល បានដីកាពីតុលាការ និងមានបទបញ្ជាពីលោកឧត្តមសេនីយ៍ត្រីអាត់ខែមស្នងការនគបាលខេត្តបន្ទាយមានជ័យបានដាក់បញ្ជាឲ្យកម្លាំងរបស់លោកចុះធ្វើការស្រាវជ្រាវយ៉ាងយកចិត្តទុកដាក់រហូតឈានទៅដល់ការឃាត់ខ្លួនជនសង្ស័យបានតែម្តង។ជនសង្ស័យត្រូវបានកម្លាំងនគរបាលព្រហ្មទណ្ឌកម្រិតធ្ងន់កំពុងរៀបចំសំណុំរឿងបញ្ជូនទៅកាន់តុលាការដាក់ទោសទៅតាមផ្លូវច្បាប់៕
ជនសង្ស័យម្នាក់ ត្រូវបានបញ្ជូនទៅតុលាការ អំពីបទវាយប្លន់តាមដីការបស់តុលាការ
0 Comments