ព្រះសីហនុ ៖ យុវជនចំនួន២នាក់បានសម្រេចចិត្តចង.កសម្លាប់ខ្លួនបណ្ដាលឲ្យស្លាប់ទន្ទឹមគ្នា ដោយបានបន្សល់ទុកលិខិតបណ្ដាំមួយច្បាប់ សរសេរថា«ងាប់លេងគ្មានពាក់ព័ន្ធជាមួយបងប្អូនណាទេ»។
ករណីចង.កស្លាប់ទន្ទឹមគ្នាបង្កឲ្យមានការភ្ញាក់ផ្អើលកាលពីវេលាម៉ោង១៦និង៣០នាទីរសៀលថ្ងៃទី១០ ខែតុលា ឆ្នាំ ២០១៥ នៅចំណុចក្រុម៧ ភូមិ១ ឃុំទំនប់រលក ស្រុកស្ទឹងហាវ ខេត្ត ព្រះសីហនុ។
យុវជនទាំង២នាក់នោះមានទី១. ពុធ ភេទប្រុស អាយុ២៥ឆ្នាំ មុខរបរកម្មករទូក មានស្រុកកំណើត ស្រុកស្រែអំបិល ខេត្តកោះកុង។ ទី២. សន ឃីន ភេទប្រុស អាយុ២២ឆ្នាំ មុខរបរកម្មករទូក មានស្រុកកំណើត ឃុំកោះតូច ស្រុកទឹកឈូ ខេត្តកំពត។
មុនពេលធ្វើអត្តឃាតជនរងគ្រោះឈ្មោះឃីនបានសរសេរលិខិតបណ្តាំមួយច្បាប់ ដោយសរសេរថា«ខ្ញុំឃីន និងពុត សូមងាប់លេងគ្មានពាក់ព័ន្ធដល់បងប្អូនណា សូមឪពុកម្ដាយខ្ញុំជួយដុតខ្ញុំទាំងពីរផង។ សូមអភ័យទោស ដែលកូនបានធ្វើខុសពីមុន។ពីឃីន»។ នៅក្នុងលិខិតនោះដែរក៏មានសរសេរលេខទូរស័ព្ទប្រព័ន្ធស្មាត និងមិត្តហ្វូនផងដែរ៕
យុវជន២នាក់ចង.កស្លាប់ទន្ទឹមគ្នា ដោយបន្សល់នូវលិខិតបណ្ដាំមួយច្បាប់
0 Comments