ពោធិ៍សាត់ ៖ បុរសពេញវ័យពេញកម្លាំងធ្វើការងាររកស៊ីម្នាក់បែរជាបញ្ចប់ជីវិតដោយធ្វើអត្តឃាតចង.ក សម្លាប់ខ្លួនឯងធ្វើឲ្យចំបែងចិត្តដល់គ្រួសារដោយសារតែជីវភាពក្រខ្សត់ទៅស្រឡាញ់នារីម្នាក់ដែលជាកូនអ្នកមានធូរធារមិនបាន។
ហេតុការណ៍នេះបានកើតឡើងកាលពីវេលាម៉ោង៩និង០០នាទីយប់ ថ្ងៃទី១៦ ខែតុលា ឆ្នាំ២០១៥ ស្ថិតនៅភូមិវត្តពោធិ៍ ឃុំអន្លង់វិល ស្រុកកណ្ដៀង ខេត្តពោធិ៍សាត់។ លោកស្រី ជំនិត នាយប៉ុស្តិ៍រដ្ឋបាលឃុំអន្លង់វិលឲ្យដឹងថា ជនរងគ្រោះមានឈ្មោះ ប៉ោ សុវណ្ណ ហៅវិត ភេទប្រុស អាយុ២៣ឆ្នាំ រស់នៅភូមិ/ឃុំខាងលើ។
លោកបន្តថា បើតាមការស្រាវជ្រាវពីមូលហេតុដែលកើតឡើងរហូតធ្វើឲ្យបុរសម្នាក់នេះគិតខ្លីបែបនេះ ត្រូវបានក្រុមបងប្អូន និងអ្នកភូមិជាមិត្តភ័ក្ដិជនរងគ្រោះនិយាយថា បុរសរងគ្រោះខាងលើនេះបានចាប់ចិត្តស្រឡាញ់នឹងនារីម្នាក់ដែលគ្រួសារនាងមានជីវភាពធូរធារជាងខ្លួន។ ហើយដោយសមត្ថភាពខ្លួនឯងពេញវ័យមានកម្លាំងមិនខំរកស៊ីឲ្យមានលុយកាក់ធូរធារសិនទេ បែរទៅជាហ៊ានស្រឡាញ់គេមានជីវភាពធូរធារជាងខ្លួនទៅវិញ។ ពេលដែលដំណឹងនេះបានឮដល់នារីម្នាក់ដែលខ្លួនស្រឡាញ់ភ្លាម នាងក៏បានប្រញាប់ឆ្លើយតបបដិសេធមកបុរសនេះវិញថា នាងពុំស្រឡាញ់បុរសរងគ្រោះនេះឡើយ ហើយថែមទាំងបញ្ជាក់ដោយចំអកមកវិញថា ស្រឡាញ់ស្រីមិនមើលសមត្ថភាពខ្លួនឯង មិនចេះរកស៊ី មួយថ្ងៃៗគិតតែដើរលេង ខ្លួនក្រអីចឹងនរណាគេយកធ្វើប្ដីទៅ។
លោកមេប៉ុស្តិ៍បន្តថា ស្រាប់តែបុរសរងគ្រោះឮពាក្យនេះ បានធ្វើឲ្យគេខ្មាសសំដីនាងដែលខ្លួនស្រឡាញ់ថាឲ្យបែបនេះមិនព្រមឈឺចាប់ មកវិញប្រឹងរកស៊ី បែរជាតូចចិត្តតូចថ្លើមទៅវិញ។
លោកបន្តថា នៅយប់ថ្ងៃកើតហេតុខាងលើនោះ ជនរងគ្រោះក៏បានទាញខ្សែនីឡុងដើរសំដៅទៅដើមស្វាយខាងក្រោយផ្ទះម្តាយមីងឈ្មោះ ចៅ អឿន ភេទស្រី ចម្ងាយពីផ្ទះ១៥ម៉ែត្រ ចង.កទម្លាក់ខ្លួននឹងមែកស្វាយស្លាប់ភ្លាមៗមួយរំពេចតែម្ដង។
លោក ស្រី ជំនិត ក៏បានបញ្ជាក់ថា សមត្ថកិច្ច ជាមួយគ្រូពេទ្យជំនាញ និងនគរបាលបច្ចេកទេសវិទ្យាសាស្ត្រ រួមនឹងអាជ្ញាធរ បានចុះដល់កន្លែងកើតហេតុពិនិត្យសាកសពឃើញថា ជនរងគ្រោះពិតជាចង.ក មែន ហើយបានប្រគល់សាកសពជូនក្រុមគ្រួសារធ្វើបុណ្យតាមប្រពៃណី៕
គ្មានសមត្ថភាពពិត យកជីវិតទៅធ្វើអត្តឃាតខ្លួនឯងព្រោះតែស្រឡាញ់គេមិនបាន
0 Comments