ស៊ូពើស្តារCristiano Ronaldo ទំនងជាបានរកឃើញម្ចាស់បេះដូងថ្មីរបស់ខ្លួន ហើយ បន្ទាប់ពីថតរូប selfies ជាមួយនឹងតារាម៉ូដែលសញ្ជាតិប្រេស៊ីល Alessandra Ambrosio រួចបង្ហោះរូបភាពនេះ ទៅបណ្ដាញសង្គម Twitterនោះ។
ទោះបីជាយ៉ាងណាក៏ដោយ ប្រភពព័ត៌មានបានឲ្យដឹងថា ខ្សែប្រយុទ្ធរបស់ក្លិប Real Madridម្នាក់នេះ និងតារាម៉ូដែលរបស់ក្រុម Victoria’a Secret គ្រាន់តែធ្វើការជាមួយគ្នាប៉ុណ្ណោះ នៅលើគម្រោងសម្ងាត់មួយ ហើយបានបង្ហោះរូបថតទាំងនេះ ដល់ក្រុមអ្នកគាំទ្ររបស់ពួកគេ ក្រោយថតចប់។
ថ្លែងនៅក្នុងវីដេអូ ដែលបានបង្ហោះជាមួយនឹងរូបថត កីឡាករ Ronaldoបាននិយាយថា “សួស្ដី! អ្នករាល់គ្នា យើងទើបតែបានបញ្ចប់ការថត ហើយវាគឺជាការថតមួយដ៏អស្ចារ្យជាមួយនាង Alessandra ពីព្រោះថានាងបានបំពេញការងារមួយដ៏អស្ចារ្យបំផុត។
សូមបញ្ជាក់ថាដែរ កីឡាករ Ronaldoទើបតែបានពង្រីកមុខជំនួញផលិតផល CR7របស់លោកកាលពីប៉ុន្មានឆ្នាំចុងក្រោយនេះ។
គួររំឭកថា កីឡាករស្ថិតនៅក្នុងក្រុមជម្រើសជាតិព័រទុយហ្គាល់ម្នាក់នេះ បានចែកផ្លូវដើរជាមួយនឹងតារាម៉ូដែលរុស្ស៊ី គឺលោក Irina Shayk កាលពីដើមឆ្នាំនេះ ប៉ុន្តែទំនាក់ទំនងរបស់លោកជាមួយនឹង Ambrosio ទំនងជាមិនអាចទៅរួចនោះទេ ដោយសារតែតារាម៉ូដែលវ័យ៣៤ឆ្នាំម្នាក់នេះ បានរៀបការរួច ហើយថែមទាំងមានកូន២នាក់ទៀតនោះ៕
បែកធ្លាយរូបថតCristiano Ronaldoនៅជាមួយតារាម៉ូដែលប្រេស៊ីល
0 Comments