សហរដ្ឋអាមេរិក និងសម្ព័ន្ធមិត្តរបស់ខ្លួនចង់ឃើញប្រតិបត្តិការយោធារបស់ប្រទេសរុស្ស៊ីក្នុងប្រទេសស៊ីរីមានកំហុស ខណៈដែលជោគជ័យរបស់រុស្ស៊ីនឹងអាចកម្ចាត់ឧបាយកលផ្លាស់ប្ដូររបបរបស់លោកខាងលិច។ វាក៏នឹងជាសញ្ញាតុល្យភាពនៃអំណាចដែលបានផ្លាស់ប្ដូរទៅឆ្ងាយពីអនុត្តរភាពរបស់សហរដ្ឋអាមេរិកផងដែរ។
កាលពីសប្ដាហ៍មុនរដ្ឋមន្ត្រីការពារជាតិអាមេរិក Ashton Carter បានទស្សន៍ទាយរុស្ស៊ីនឹងរងទុក្ខវិញចំពោះពីការធ្វើអន្តរាគមន៍របស់ខ្លួននៅក្នុងប្រទេសស៊ីរីនៅពេលដែលក្រុមភេរវកម្មនឹងវាយបកមកលើទឹកដីរុស្ស៊ីវិញ។
នៅក្នុងថ្ងៃដែលលោក Carter បានព្រមានអាជ្ញាធររុស្ស៊ីបានចាប់ខ្លួនក្រុមជីហាដនិយមដ៏តូចមួយនៅក្រុងមូស្គូដែលមានគម្រោងធ្វើការវាយប្រហារភេរវកម្ម។ នៅសប្ដាហ៍នេះស្ថានទូតរុស្ស៊ីក្នុងក្រុងដាម៉ាសបានស្ថិតក្រោមការបាញ់ប្រហារពីគ្រាប់កាំភ្លើងត្បាល់ចំនួនពីរដែលការវាយប្រហារនេះលោករដ្ឋមន្ត្រីការបរទេសប្រទេសរុស្ស៊ី Sergei Lavrov បានថ្កោលទោសយ៉ាងឆាប់រហ័សថាជាអំពើភេរវកម្ម។
ហេតុផលមួយដែលប្រទេសលោកខាងលិចចង់ឃើញការបរាជ័យរបស់រុស្ស៊ីនៅក្នុងប្រទេសស៊ីរីគឺព្រោះតែការអន្តរាគមន៍របស់លោកពូទីនកំពុងប្រកបដោយប្រសិទ្ធិក្នុងការបំផ្លាញបណ្ដាញភេរវកម្ម។ស្របពេលដែលសហរដ្ឋអាមេរិកកំពុងមានបំណងចង់ផ្ដួលរំលំលោកប្រធានាធិបតីស៊ីរី បាសាអាល់អាសាដអាមេរិកបានគាំទ្រ និងផ្តល់អាវុធព្រមទាំងជំនួយដល់ក្រុមឧទ្ទាម ដើម្បីផ្លាស់ប្ដូររបបនេះចេញ។
ដូច្នេះប្រតិបត្តិការប្រឆាំងភេរវកម្មដ៏មានប្រសិទ្ធភាពរបស់ប្រទេសរុស្ស៊ីគឺជាការប្រឆាំងទៅនឹងប្រតិបត្តិការគ្មានប្រសិទ្ធភាពរបស់ក្រុមចម្រុះប្រឆាំងភេរវកម្មដែលដឹកនាំដោយអាមេរិករយៈពេលមួយឆ្នាំមកនេះ។ រដ្ឋាភិបាលក្រុងមូស្គូគឺកំពុងជួយក្នុងការបំផ្លាញទ្រព្យសម្បត្តិការផ្លាស់ប្ដូររបបរបស់ខាងលិច។ ចូរកុំភ្លេចថា ទឹកប្រាក់រាប់ពាន់លានដុល្លារត្រូវបាន “បណ្ដាក់ទុន” ដោយទីក្រុងវ៉ាស៊ីនតោន ប្រទេសអង់គ្លេស បារាំង ទួរគី អារ៉ាប៊ីសាអ៊ូឌីត និងកាតា ដើម្បីផ្ដួលរំលំរដ្ឋាភិបាលស៊ីរីរបស់លោកបាសា អាល់អាសាដដែលជាផ្នែកមួយក្នុងគោលបំណង ដើម្បីធ្វើឲ្យប៉ះពាល់ដល់សម្ព័ន្ធមិត្តរបស់ស៊ីរីគឺប្រទេសរុស្ស៊ី និងអ៊ីរ៉ង់។
ហេតុផលមួយផ្សេងទៀតនៃកំហឹងរបស់លោកខាងលិចចំពោះអន្តរាគមន៍របស់រុស្ស៊ីនៅក្នុងប្រទេសស៊ីរីគឺថា វាកំពុងបង្ហាញពីការលួចបន្លំ និងល្មើសនៃមហាអំណាចលោកខាងលិច និងរបបនៅក្នុងតំបន់របស់ខ្លួន។ ប្រទេសរុស្ស៊ីកំពុងធ្វើប្រតិបត្តិការស្របច្បាប់នៅក្រោមច្បាប់អន្តរជាតិដោយមានការយល់ព្រមយ៉ាងពេញលេញពីសំណាក់រដ្ឋាភិបាលស៊ីរីមិនដូចក្រុមចម្រុះដឹកនាំដោយសហរដ្ឋអាមេរិកទេដែលទម្លាក់គ្រាប់បែកក្នុងប្រទេសនេះដោយខុសច្បាប់។ ទស្សនៈរបស់លោកខាងលិច, ការប៉ះពាល់នៃការបំផ្លិចបំផ្លាញគឺជាការរំខាន។ នោះហើយជាមូលហេតុដែលក្រុងវ៉ាស៊ីនតោន និងមួយផ្នែកនៅតំបន់អឺរ៉ុបអស់សង្ឃឹម ដើម្បីបង្ខូចកេរ្តិ៍ឈ្មោះរបស់ក្រុងមូស្គូនៅប្រទេសស៊ីរី។
បីថ្ងៃបន្ទាប់ពីប្រទេសរុស្ស៊ីបានចាប់ផ្តើមយុទ្ធនាការប្រឆាំងនឹងភេរវកម្មរបស់ខ្លួននៅក្នុងប្រទេសស៊ីរី លោកអូបាម៉ាបានផ្តល់សំណើយ៉ាងប្លែកចំពោះលោកពូទីន។ នៅថ្ងៃទី៣ ខែតុលា CNN បានរាយការណ៍ថា ប្រធានាធិបតីអាមេរិកបាននិយាយថា សហរដ្ឋអាមេរិកមានឆន្ទៈក្នុងការសហការជាមួយប្រទេសរុស្ស៊ី ប៉ុន្តែលុះត្រាតែមានផែនការដែលរាប់បញ្ចូលទាំងការទម្លាក់លោកប្រធានាធិបតីស៊ីរីបាសា អាល់អាសាដ។ ប្រសិនបើប្រទេសរុស្ស៊ីមិនបានធ្វើតាមគម្រោងនេះ ដើម្បីទម្លាក់លោកអាសាដទេនោះ បន្ទាប់មកលោកអូបាម៉ាបានព្រមានថា យុទ្ធនាការអាកាសរបស់រុស្ស៊ីនឹងនាំមកតែការបង្ហូរឈាមបន្ថែមទៀតតែមួយគត់។
ចាប់តាំងពីពេលនោះមកលោកពូទីនបានថ្លែងថា លោកអាសាដគឺជាប្រធានាធិបតីស្របច្បាប់នៃប្រទេសស៊ីរីហើយថាការធ្វើអន្តរាគមន៍របស់ប្រទេសរុស្ស៊ីមានបំណងគាំទ្រដល់រដ្ឋាភិបាលមានអធិបតេយ្យភាពរបស់ខ្លួន។
គួរបញ្ជាក់ថា ក្រុងវ៉ាស៊ីនតោនចង់បាន និងត្រូវការឲ្យប្រទេសរុស្ស៊ីទទួលបរាជ័យនៅស៊ីរី។ ភាពជោគជ័យរបស់ប្រទេសរុស្ស៊ីអាចនឹងមានច្រើន ដើម្បីបង្កើតមហិច្ឆតាអនុត្តរភាពរបស់ក្រុងវ៉ាស៊ីនតោន៕
RT
មូលហេតុដែលអាមេរិកភ័យខ្លាចភាពជោគជ័យរបស់លោកពូទីននៅស៊ីរី
0 Comments