កំពង់ឆ្នាំង ៖ ឧបទ្ទវហេតុគ្រោះថ្នាក់ចរាចរណ៍មួយបានកើតឡើងកាលពីវេលាម៉ោង២និង៣០នាទី ថ្ងៃទី១៦ ខែតុលា ឆ្នាំ២០១៥បុរសម្នាក់ត្រូវរថយន្តស៊ីទែនដឹកហ្គាស៍ PLG បុករងរបួសបាក់ជើងខាងស្តាំ ខណៈ ក្នុងពេលដែលបើកម៉ូតូឆ្លងផ្លូវនៅភូមិកណ្ដាល សង្កាត់កំពង់ឆ្នាំង ក្រុងកំពង់ឆ្នាំង ខេត្តកំពង់ឆ្នាំង។
សមត្ថកិច្ចបានឲ្យដឹងថា ជនរងគ្រោះមានឈ្មោះ សាន ភេទប្រុស អាយុ៣៤ឆ្នាំ រស់នៅឃុំគោកបន្ទាយ ស្រុករលាប្អៀរ ខេត្តកំពង់ឆ្នាំង។ នៅមុនពេលកើតហេតុជនរងគ្រោះបានជិះម៉ូតូសង់កូរ៉េអត់ស្លាកលេខឆ្លងផ្លូវក្នុងទិសដៅពីកើតទៅលិចក្នុងពេលដែលកំពុងឆ្លងផ្លូវក៏មានរថយន្តមួយគ្រឿង ម៉ាកហីយ៉ាន់ដាយ ពាក់ស្លាកលេខភ្នំពេញ៣B-៣៧២៦ជារថយន្តស៊ីទែនដឹកហ្គាស៍ក្នុងទិសដៅពីត្បូងទៅជើង ហើយក៏ត្រូវបានកៀរម៉ូតូបណ្ដាលឲ្យដួលបោកទៅនឹងផ្លូវ រងរបួសធ្ងន់ បាក់ជើងខាងស្តាំតែម្តង។
ក្រោយពេលកើតហេតុជនរងគ្រោះត្រូវបានរថយន្តសាមុយដឹកមកសង្គ្រោះនៅមន្ទីរពេទ្យបង្អែកខេត្តកំពង់ឆ្នាំងដោយឡែកមធ្យោបាយទាំងសងខាងត្រូវបានយកមករក្សាទុកនៅអធិការដ្ឋាននគរបាលក្រុងកំពង់ឆ្នាំង ដើម្បីរង់ចាំធ្វើការដោះស្រាយតាមនីតិវិធី៕
សង់កូរ៉េឆ្លងផ្លូវមិនប្រយ័ត្នត្រូវរថយន្តស៊ីទែនបុកបាក់ខាងជើងស្តាំ
0 Comments