ធ្មេញផូស៊ីលដ៏មានតម្លៃចំនួន៤៧គ្រាប់ដែលត្រូវបានគេរកឃើញក្នុងល្អាងភ្នំភាគខាងត្បូងនៃប្រទេសចិននេះបានបង្ហាញឡើងវិញពីប្រវត្តិសាស្ត្រនៃការធ្វើចំណាកស្រុកដំបូងរបស់មនុស្សយើងចេញពីទ្វីបអាហ្វ្រិកដោយចង្អុលបង្ហាញពីមនុស្សសម័យមុន (Homo sapiens) ដែលបានផ្លាស់ទីចូលមកក្នុងតំបន់អាស៊ី ហើយត្រូវបានគេសម្គាល់ថា វាបានកើតមុនពេលនៃការចូលទៅតំបន់អឺរ៉ុបទៅទៀត។
កាលពីថ្ងៃពុធនេះអ្នកវិទ្យាសាស្ត្របានប្រកាសថា សម្រាប់ការរកឃើញធ្មេញដែលមានអាយុកាលចន្លោះពី៨០.០០០ និង១២០.០០០ឆ្នាំនេះពួកគេបាននិយាយថា វាបានផ្តល់នូវភស្តុតាងដំបូងបង្អស់យ៉ាងពេញលេញមួយនៃមនុស្សសម័យមុនដែលស្ថិតនៅក្រៅទ្វីបអាហ្វ្រិក។
ធ្មេញដែលយកមកពីគុហា Fuyan នៅក្នុងខេត្តហ៊ូណានតំបន់ Daoxian នេះ បាននាំមកនូវការបញ្ជាក់ពីប្រវត្តិសាស្ត្រមនុស្សជាតិដំបូង នៅក្នុងភាគខាងត្បូងប្រទេសចិនដែលមានជាង ៣០.០០០ ទៅ៧០.០០០ឆ្នាំមុនភាគខាងកើតនៃមេឌីទែរ៉ាណេ ឬទ្វីបអឺរ៉ុប។
បុរាណនរវិទូលោក Wu Liu បណ្ឌិតសភាចារ្យចិនមកពីវិទ្យាស្ថានវិទ្យាសាស្ត្រ Institute of Vertebrate Paleontology and Paleoanthropology បានមានប្រសាសន៍ថាថា “រហូតមកដល់ពេលនេះសហគមន៍វិទ្យាសាស្ត្រភាគច្រើនបានគិតថា មនុស្សសម័យមុន (Homo sapiens)គឺមិនមានវត្តមាននៅក្នុងទ្វីបអាស៊ីនៅមុនពេល ៥០.០០០ឆ្នាំមុននោះទេ”។
មនុស្សយើងបានបង្ហាញខ្លួនជាលើកដំបូងនៅអាហ្វ្រិកខាងកើត ប្រហែល ២០០.០០០ឆ្នាំកន្លងមកហើយ បន្ទាប់មកបានរាលដាលទៅផ្នែកផ្សេងទៀតនៃពិភពលោក ប៉ុន្តែការកំណត់ពេលវេលា និងទីតាំងនៃការបន្លាស់ទីទាំងនេះបានក្លាយទៅជាភាពមិនច្បាស់លាស់ទៅវិញ។
បុរាណនរវិទូមកពីសាកលវិទ្យាល័យក្រុងឡុងដ៏គឺលោក María Martinón-Torres បានមានប្រសាសន៍ថា អំបូរមនុស្សបានកកើតនៅភាគខាងត្បូងប្រទេសចិនជាងរាប់សិបពាន់ឆ្នាំមុនពេលដែលមានទឹកដីអាណានិគមមួយនៅអឺរ៉ុបទៅទៀត ប្រហែលនេះដោយសារតែអំបូរមនុស្ស Neanderthals(អំបូរមនុស្ស ដែលមានរូបរាងដូចសត្វពានរ) បានលាក់ខ្លួននៅតំបន់អឺរ៉ុបក្នុងអាកាសធាតុត្រជាក់ខ្លាំងហើយមើលទៅ។
“ការរកឃើញនេះបានបង្ហាញថា មនុស្សសម័យមុន (Homo sapiens) មានវត្តមាននៅក្នុងតំបន់អាស៊ីតាំងពីមុនសម័យបុរាណថ្មីដែល “ចេញពីប្រទេសអាហ្វ្រិកមកម្ល៉េះ ” ដោយសម្មតិកម្មនេះចង់បញ្ជាក់ថា ថេរវេលានោះគឺមានរយៈពេល ៥០.០០០ឆ្នាំមកហើយ” នេះបើតាមលោក Martinón-Torresបានលើកឡើង។
លោក Liu បានមានប្រសាសន៍ថា ធ្មេញនេះមានចំណាស់ ប្រហែលពីរដងនៃភស្តុតាងដំបូងបង្អស់សម្រាប់មនុស្សសម័យទំនើបនៅអឺរ៉ុប។ លោក Martinón Torres បានឲ្យដឹងថា ការបន្លាស់ទីចេញពីប្រទេសអាហ្វ្រិកមួយចំនួនត្រូវបានគេចាត់ថា ជាការ”បែកខ្ចាត់ខ្ចាយ” ហើយផូស៊ីលពីរូងថ្មអ៊ីស្រាអែលនោះវិញបានបង្ហាញថា ចំនួនប្រហែលជា៩០.០០០នាក់នៃមនុស្សសម័យទំនើបជំនាន់មុនបានឈានទៅដល់ “ច្រកទ្វារនៃតំបន់អឺរ៉ុប” ហើយលោក Martinón-Torres បាននិយាយបន្តទៀតថា ប៉ុន្តែ “ពួកគេមិនបានចូលទៅទីនោះទេ”។
បុរាណនរវិទូលោក Xiujie Wu មកពីវិទ្យាស្ថាន Institute of Vertebrate Paleontology and Paleoanthropology ក៏បានឲ្យដឹងថា ធ្មេញទាំង៤៧គ្រាប់នេះយ៉ាងហោចណាស់ក៏ចេញមកពី មនុស្ស ១៣នាក់ ដែរ៕
រកឃើញធ្មេញផូស៊ីលដែលបង្ហាញថា មានមនុស្សនៅតំបន់អាស៊ីតាំងពី២ម៉ឺនឆ្នាំមុន
0 Comments