ភ្នំពេញ ៖ យោងតាមរបាយការណ៍ពីនាយកដ្ឋានសណ្ដាប់ធ្នាប់ នៃអគ្គស្នងការដ្ឋាននគរបាលជាតិប្រាប់ឲ្យដឹងថា កាលពីថ្ងៃទី១៥ ខែតុលា ឆ្នាំ២០១៥ មានករណីគ្រោះថ្នាក់ចរាចរណ៍នៅទូទាំងប្រទេសកើតឡើងចំនួន១៥លើក ក្នុងនោះយប់៧លើក, ពុំមានមនុស្សស្លាប់នោះទេ ប៉ុន្តែបណ្តាលឲ្យមនុស្សរងរបួសធ្ងន់២០នាក់ (ស្រី៣នាក់) និងរបួសស្រាល៧នាក់ (ស្រី២នាក់)។
នៅក្នុងហេតុការណ៍គ្រោះថ្នាក់ចរាចរណ៍ទាំង១៥លើកនេះបានបង្កឲ្យមានការខូចខាតយានយន្តសរុបចំនួន២៣គ្រឿង ក្នុងនោះមានម៉ូតូចំនួន១៤គ្រឿង, រថយន្តធុនតូច៧គ្រឿង, និងយានផ្សេងៗ២គ្រឿង។
ប្រភពព័ត៌មានខាងលើប្រាប់បន្តឲ្យដឹងថា មូលហេតុដែលបណ្ដាលឲ្យកើតមានករណីគ្រោះថ្នាក់ចរាចរណ៍រួមមាន ល្មើសល្បឿន៦លើក,មិនគោរពសិទ្ធ៣លើក,ប្រជែងគ្រោះថ្នាក់២លើក,កត្តាយានយន្ត១លើក និងស្រវឹង១លើក ក្នុងនោះអ្នកមិនពាក់មួកសុវត្ថិភាពពេលគ្រោះថ្នាក់ចរាចរណ៍១៩នាក់ (យប់៦នាក់)។
យោងតាមរបាយការណ៍ពីនាយកដ្ឋានសណ្ដាប់ធ្នាប់ នៃអគ្គស្នងការដ្ឋាននគរបាលជាតិប្រាប់បញ្ជាក់ឲ្យដឹងថា រថយន្តទាំងអស់ដែលត្រូវផាកពិន័យសរុបចំនួន៧១១គ្រឿង (រថយន្តធំ៤០គ្រឿង) ស្មើនឹង៧១១ករណី, ល្មើសក្រដាសស្នាម៥៥១គ្រឿង ស្មើនឹង៥៥១ករណី, ចំណែកករណីល្មើសបច្ចេកទេស១៦០គ្រឿង ស្មើនឹង១៦០ករណី។ ដោយឡែកសម្រាប់ម៉ូតូនាថ្ងៃខែដដែល ត្រូវបានផាកពិន័យសរុបចំនួន១,០៤៨ គ្រឿង៕
គ្រោះថ្នាក់ចរាចរណ៍ថ្ងៃទី១៥តុលាកើតឡើង១៥លើក
0 Comments