កីឡាករ Gareth Bale ទទួលបានលាបសក្ការៈដ៏អស្ចារ្យរបស់លោកនៅក្នុងពិធីប្រគល់រង្វាន់របស់សមាគមន៍បាល់ទាត់ FAរបស់រដ្ឋវែលស៍ កាលពីយប់ថ្ងៃចន្ទ ជាកន្លែងដែលគាត់ឈ្នះរង្វាន់ធំៗទាំង៣ដែលគេផ្តល់ជូន។
តារាបាល់ទាត់ម្នាក់នេះ បានចូលរួមក្នុងកម្មវិធី នៅឯសាលធំ City Hall របស់ទីក្រុង Cardiff ពោលគឺមានរយៈពេលមិនដល់២៤ម៉ោងស្រួលបួលផង ក្រោយពេលដែលក្រុម Real Madridរបស់លោក បានត្រឹមតែទាតស្មើប៉ុណ្ណោះជាមួយក្រុម Atletico Madridជាមួយនឹងមិត្តរួមក្រុមរបស់គាត់មកពីក្រុមជម្រើសជាតិ។
កីឡាករ Aaron Ramsey, Ashley Williams និងកីឡាករ Joe Allen ស្ថិតនៅក្នុងចំណោមកីឡាករដែលបានចូលរួមនៅក្នុងពិធីដ៏អធិកអធមមួយនេះ ដើម្បីអបអរជោគជ័យរបស់ក្រុមជម្រើសជាតិពួកគេ ក្នុងនោះអ្នកចាត់ការ Chris Coleman ទទួលបានរង្វាន់កិត្តិយស Media Choice។
កីឡាករ Bale បានឈ្នះរង្វាន់កីឡាករឆ្នើម Player of the Year, Players’ Player of the Year និង Fans’ Player of the Year ដោយរូបលោករកបាន៦គ្រាប់ក្នុងចំណោម៩គ្រាប់ អំឡុងយុទ្ធនាការទាត់ជម្រុះ Euro 2016។
កីឡាករម្នាក់នេះដែរ បានជួយដៃគូឲ្យរកបាន២គ្រាប់ទៀតផងដែរ ដើម្បីធ្វើឲ្យក្រុមជម្រើសជាតិរបស់គាត់ បានបោះជំហានយក្សឆ្ពោះទៅកាន់ការប្រកួតនៅក្នុងប្រទេសបារាំងនាឆ្នាំក្រោយនេះ ដែលជាការប្រកួតធំដំបូងរបស់ខ្លួន ចាប់តាំងពីឆ្នាំ១៩៥៨រហូតមក។
ក្រុមជម្រើសជាតិរដ្ឋវែលស៍នៅត្រូវការតែ១ពិន្ទុទៀតប៉ុណ្ណោះ ពី២ប្រកួតចុងក្រោយរបស់ពួកគេជាមួយក្រុមជម្រើសជាតិបូស្នី នៅក្នុងទីក្រុង Zenica និងក្រុមជម្រើសជាតិអង់ដូរ៉ា នៅក្នុងទីក្រុង Cardiff ដើម្បីរកបានកន្លែងលេងរបស់ពួកគេ៕
កីឡាករ Gareth Bale ក្លាយជាកីឡាករបាល់ទាត់ឆ្នើមជាលើកទី៥របស់វែលស៍
0 Comments