សៀមរាប ៖ អាវុធហត្ថខេត្ត បានចុះប្រតិបត្តិការបង្ក្រាបករណី ជួញដូរនិងប្រើប្រាស់គ្រឿងញៀនឃាត់ខ្លួនបានជនសង្ស័យប្រុសស្រីចំនួន១៧នាក់ នៅចំណុច៥កន្លែងផ្សេងគ្នា ក្នុងខេត្តសៀមរាប ដើម្បីការពារអនុវត្តបង្ការបទល្មើសជូនភ្ញៀវជាតិ អន្តរជាតិ មុនថ្ងៃអុំថ្ងៃអុំទូក។
ក្នុងប្រតិបត្តិការបង្ក្រាបការជួញដូរ និង ប្រើប្រាស់គ្រឿងញៀន ឃាត់ខ្លួនបានជនសង្ស័យចំនួន១៧នាក់ នៅចំណុច៥កន្លែងផ្សេងគ្នា ក្នុងខេត្តសៀមរាបនោះធ្វើឡើង ចាប់ពីថ្ងៃទី២៣ដល់ថ្ងៃទី២៤ ខែវិច្ឆិកា ឆ្នាំ២០១៥ ដឹកនាំដោយលោកអនុសេនីយ៍ឯកធាវ ចន្ទ័តារា នាយការិយាល័យប្រឆាំងគ្រឿងញៀន និងដឹកនាំបញ្ជាដោយលោកវរសេនីយ៍ទោថា ដាលុច ប្រធានមន្ទីរយុត្តិធម៌ កងរាជអាវុធហត្ថខេត្តសៀមរាប និង សម្រួលនីតិវិធី ដោយ លោក សំរិទ្ធ សុខុន ព្រះរាជអាជ្ញារងអមសាលាដំបូងខេត្ត។
នាយការិយាល័យប្រឆាំងគ្រឿងញៀនអាវុធហត្ថ ខេត្តលោកអនុសេនីយ៏ឯកធាវ ចន្ទ័តារា បានឲ្យដឹងនៅរសៀលថ្ងៃទី២៦ ខែវិច្ឆិកាថា ក្នុងការចុះប្រតិបត្តិការបង្ក្រាបបទល្មើសអ្នកជួញដូរគ្រឿងញៀនជាក់ស្តែងដើម្បីការពារសុវត្ថិភាពជូនភ្ញៀវជាតិ និង អន្តរជាតិបាន១ករណីស្មើ៥លើកនិង៥ចំណុចផ្សេងគ្នាក្នុងខេត្តសៀមរាប រហូតឈានដល់ធ្វើការឃាត់ខ្លួនបានជនសង្ស័យចំនួន១៧នាក់ទី១/ចំណុច ភូមិ វាល សង្កាត់ គោកចក ក្រុងសៀមរាបទី២/ចំណុច ភូមិវត្តដំណាក់ សង្កាត់ សាលាកំរើក ក្រុងសៀមរាប ទី៣/ ចំណុច ភូមិ កសិកម្ម សង្កាត់ ស្រង៉ែក្រុងសៀមរាប ទី៤/ចំណុច ភូមិ ត្រាង ឃុំ កណ្តែក ស្រុក ប្រាសាទបាគង និងទី៥/ចំណុច ភូមិ គោកជួន ឃុំ ពួក ស្រុក ពួក ខេត្ត សៀមរាបរួចយកមកសួរនាំនៅទីបញ្ជាការកងរាជអាវុធហត្ថខេត្ត។
លោកបន្តថា ជនសង្ស័យចំនួន ១៧ នាក់ដែលត្រូវឃាត់ខ្លួនមានទី១/ឈ្មោះ អឿ ឃន ភេទប្រុស អាយុ១៩ឆ្នាំ មុខរបរ ជាងផ្សាដែក ទី២/ឈ្មោះ ឃឿន ជុំ ភេទប្រុស អាយុ១៧ឆ្នាំ មុខរបរ មិនពិតប្រាកដ ទី៣/ ឈ្មោះ មឿយ រ៉ាម៉ូ ភេទប្រុស អាយុ១៧ឆ្នាំ មុខរបរ មិនពិតប្រាកដទី៤/ឈ្មោះ សោម ឡង ភេទស្រី អាយុ២៣ឆ្នាំ មុខរបរ នៅផ្ទះ ពួកគេទាំង៤មានទីលំនៅបច្ចុប្បន្ន ភូមិ ខ្វៀន សង្កាត់គោកចក ក្រុងសៀមរាប ទី៥/ឈ្មោះ ម៉ាណ គឹមរី ហៅកាំ រីភេទប្រុស អាយុ២២ឆ្នាំ មុខរបរ មិនពិតប្រាកដ រស់នៅបច្ចុប្បន្ន ភូមិ ចុងកៅស៊ូ សង្កាត់ស្លក្រាម ទី៦/ឈ្មោះ តែ ហុងស៊ឺ ភេទប្រុស អាយុ២៣ ឆ្នាំ មុខរបរ មិនពិតប្រាកដស្នាក់នៅភូមិស្លក្រាម សង្កាត់ស្លក្រាមទី៧/ឈ្មោះ រិន វិចិត្រ ភេទប្រុស អាយុ ១៦ឆ្នាំ មុខរបរ ជាងជួសជុលរថយន្តរស់នៅភូមិ វិហារចិន សង្កាត់ស្វាយដង្គំទី៨/ឈ្មោះ ឡោ សុខភ័ក្ក្រ ភេទប្រុស អាយុ ៣២ ឆ្នាំ មុខរបរ ជាងឡាន ទីលំនៅបច្ចុប្បន្ន ភូមិ ទ្រាំង សង្កាត់ស្លក្រាម ទី៩/ឈ្មោះ ផាន់ សីណាត ភេទប្រុស អាយុ៣០ឆ្នាំ មុខរបរ រត់រ៉ឺម៉កទីលំនៅបច្ចុប្បន្ន ភូមិវត្តបូព៌ សង្កាត់សាលាកំរើក ទី១០/ឈ្មោះ ងួន តារ៉ា ភេទ ប្រុស អាយុ២៥ឆ្នាំ មុខរបរ រត់រ៉ឺម៉ក ទីលំនៅបច្ចុប្បន្ន ភូមិ វត្តបូព៌ សង្កាត់សាលាកំរើក។ ទី១១/ឈ្មោះ វ៉យ សីលា ភេទប្រុស អាយុ ១៧ ឆ្នាំ មុខរបរ សិស្ស ថ្នាក់ទី១០វិទ្យាល័យបន្ទាយអំពិល ទី១២/ឈ្មោះ សិទ្ធ កក្កដា ភេទប្រុស អាយុ១៧ ឆ្នាំ មុខរបរ មិនពិតប្រាកដ ទី១៣/ឈ្មោះ រស់ ដារិទ្ធ ភេទប្រុស អាយុ ១៧ ឆ្នាំ មុខរបរ រត់រ៉ឺម៉កម៉ូតូកង់៣ទាំង៣នាក់រស់នៅឃុំពួកស្រុកពួកទី១៤/ឈ្មោះ ហ៊ុយ ថាវរ៉ាក់ ភេទប្រុស អាយុ ១៧ ឆ្នាំ មុខរបរ សិស្សវិទ្យាល័យពួក មានទីលំនៅបច្ចុប្បន្នភូមិ ព្រៃក្មេង ឃុំខ្នាត ស្រុកពួក ខេត្តសៀមរាប ទី១៥/ឈ្មោះ រិន សារ៉ូ ភេទប្រុស អាយុ ២១ ឆ្នាំ មុខរបរ ជាងធ្វើស៊ុំរូបថតរស់នៅភូមិគោកក្រសាំង សង្កាត់ស្វាយដង្គុំទី១៦/ឈ្មោះ បូ ម៉ាញ ភេទប្រុស អាយុ ១៨ ឆ្នាំ មុខរបរ មិនពិតប្រាកដ ទីលំនៅបច្ចុប្បន្នភូមិ ត្រាង ឃុំ កណ្តែក ស្រុកប្រាសាទបាគង និងទី១៧/ឈ្មោះ ងួន ភារៈ ភេទប្រុស អាយុ ២៦ឆ្នាំ មុខរបរបើកបររថយន្តក្រុងស្នាក់នៅភូមិ ត្រាង ឃុំ កណ្តែក ស្រុកប្រាសាទបាគង ខេត្តសៀមរាប។
លោកបញ្ជាក់ថា ក្រោយពេលឃាត់ខ្លួនបានជនសង្ស័យរួចធ្វើការដកហូតបានវត្ថុតាងរួមមាន ថ្នាំញៀនចំនួន០៥ កញ្ចប់ ស្មើទម្ងន់០,៩៨ ក្រាម, ទូរស័ព្ទចំនួន ១៥ គ្រឿង រថយន្ត០២គ្រឿង,ម៉ូតូ០៦គ្រឿង,ជញ្ជីងថ្លឹងថ្នាំញៀនចំនួន០១គ្រឿងព្រមទាំងឧបករណ៍ច្នៃជក់និងសម្រាប់ច្រកថ្នាំញៀន ប្រើប្រាស់មួយចំនួនធំ។
បច្ចុប្បន្នជនសង្ស័យទាំង១៧នាក់និងវត្ថុតាង ត្រូវបានកម្លាំងជំនាញបញ្ជូនទៅតុលាការនៅព្រឹកថ្ងៃទី២៦ខែវិច្ឆិកា ដើម្បីចាត់តាមផ្លូវច្បាប់៕
អាវុធហត្ថឃាត់ជនសង្ស័យប្រុសស្រីករណី គ្រឿងញៀន១៧នាក់ បញ្ជូនទៅតុលាការ
0 Comments