ការប្រគល់ទំនិញម៉ាស៊ីនបោះពុម្ព 3D នៅក្នុងទីផ្សារចិន ត្រូវបានគេរំពឹងថា នឹងឈានដល់ចំនួន ១៦០,០០០ គ្រឿងនៅក្នុងឆ្នាំ២០១៦ ដោយធ្វើបានលើសទីផ្សារអាមេរិក។ ក្រុមហ៊ុនស្រាវជ្រាវទីផ្សារ IDC បាននិយាយឲ្យដឹងដូច្នេះ កាលពីថ្ងៃអង្គារ។
លោក Mo Minyi អ្នកវិភាគម្នាក់ជាមួយ IDC ចិនបាននិយាយថា ទោះបីជាទំហំនៃការលក់មានទំហំធំក៏ដោយ ក៏ចិន នឹងនៅតែស្ថិតនៅពីក្រោយអាមេរិកយ៉ាងឆ្ងាយ នៅក្នុងក្របខណ្ឌនៃប្រាក់ចំណូល ក្នុងការលក់នោះដែរ។ ម៉ាស៊ីនបោះពុម្ព 3D ដាក់លើតុ ដែលមិនថ្លៃនោះមានសមាមាត្រដ៏ធំមួយ នៅប្រទេសចិន ចំណែកនៅអាមេរិក អ្នកប្រើប្រាស់សាជីវកម្មនេះបានទិញឧបករណ៍ ដែលមានគុណភាពល្អ និងថ្លៃជាង។
លោក Mo បាននិយាយថា ការប្រគល់ទំនិញម៉ាស៊ីនបោះពុម្ព 3D នៅចិន ត្រូវបានគេរំពឹងថា នឹងមានចំនួនច្រើនជាងទ្វេដង ទៅដល់ចំនួន ៧៧,០០០ គ្រឿង នៅក្នុងឆ្នាំ២០១៥ ពីចំនួន ៣៤,០០០ គ្រឿង នៅក្នុងឆ្នាំ២០១៤ ដែលជំរុញជាសំខាន់ដោយតម្រូវការយ៉ាងខ្លាំងនូវម៉ាស៊ីនបោះពុម្ព 3D ដាក់នៅលើតុនេះមានតម្លៃថោកជាង ៥,០០០ ដុល្លារអាមេរិក។
នៅពេលដែលចិន ធ្វើឲ្យប្រសើរឡើងនូវមូលដ្ឋានផលិតរបស់ខ្លួននោះ តម្រូវការម៉ាស៊ីនបោះពុម្ព ដែលមានគុណភាពល្អ 3D អាចកញ្ជ្រោលឡើង។ IDC បានព្យាករថា ការផ្គត់ផ្គង់ទំនិញម៉ាស៊ីនបោះពុម្ព 3D នឹងលើសផែនការ ៤៤០.០០០គ្រឿង នៅក្នុងឆ្នាំ ២០២០ ជាមួយកំណើនប្រចាំឆ្នាំចំនួន ៤៣ ភាគរយ នៅក្នុងរយៈពេល ៥ ឆ្នាំខាងមុខ៕
Xinhua
ចិន នឹងលក់ម៉ាស៊ីនបោះពុម្ព 3D ចំនួន ១៦០,០០០គ្រឿង នៅក្នុងឆ្នាំ២០១៦
0 Comments