អ្នករស់រានពីការបាញ់ប្រហារមកលើទីភ្នាក់ងារសេវាកម្មសង្គម នៅក្នុងរដ្ឋអាលីហ្វ័រញ៉ា កាលពីថ្ងៃពុធ ដែលបានសម្លាប់មនុស្សយ៉ាងហោច ១៤ នាក់ បានចូលរួមរំលែកទុក្ខក្រៀមក្រំក្រុមគ្រួសាររបស់ពួកគេ។
គួរឲ្យដឹងថា ការវាយប្រហារខាងលើ បានសម្លាប់មនុស្ស ១៤ នាក់ និងជាង ១៧ នាក់ផ្សេងទៀត បានរងរបួស។
លោកខេត អាន់វ៉ែល ដែលបាននៅក្នុងអគារ ជាមួយកូនស្រីរបស់គាត់ ពេលដែលការវាយប្រហារផ្ទុះឡើង បាននិយាយថា ពួកគាត់បានលាក់ខ្លួននៅក្រោមតុ ហើយលោកពិតជាសំណាងខ្លាំងណាស់ ដែលលោក និងកូនស្រីមិនកើតអ្វី។
ដោយឡែក កូនស្រីរបស់អ្នកស្រី ម៉ារី ហ្គាសៀ ក៏បានស្ថិតនៅក្នុងទីក្រុងមួយនេះដែរ ពេល ដែលការបាញ់ប្រហារបានផ្ទុះឡើង។ លោកស្រីបាននិយាយថា មាននូវឧទ្ធម្ភាគចក្រជាច្រើនគ្រឿង បានហោះក្រឡឹងពីលើក្បាលអ្នកស្រី ហើយអ្នកស្រីពិតជាតក់ស្លុតខ្លាំងណាស់ នឹងហេតុការណ៍មួយនេះ។
ខណៈនោះដែរ ក្រុមនគរបាល បានប្រកាសឲ្យដឹងថា ជនសង្ស័យ ២ នាក់ ត្រូវបានបាញ់សម្លាប់ ហើយមន្ត្រីនគរបាលម្នាក់ បានរងរបួស តែមូលហេតុ ដែលនាំឲ្យមានករណីវាយប្រហារមកលើទីភ្នាក់ងារសេវាកម្មសង្គម មិនត្រូវបានដឹកភ្លាមៗនោះទេ ខណៈដែលការស៊ើបអង្កេតកំពុងបន្ត៕
ក្រុមសាច់ញាតិជួបជុំគ្នា ក្រោយជួបហេតុការណ៍ប្រហារដោយខ្មាន់កាំភ្លើងនៅរដ្ឋកាលីហ្វ័រនីញ៉ា សហរដ្ឋអាមេរិក
0 Comments