កំពត ៖ បុរសតណ្ហាក្រាស់ម្នាក់ត្រូវបានកម្លាំងនគរបាលស្រុកជុំគីរី ចុះឃាត់ខ្លួនកាលពីវេលាម៉ោង១០ព្រឹកថ្ងៃទី២៧ ខែធ្នូ ឆ្នាំ២០១៥ ក្រោយពីធ្វើសកម្មភាពចាប់រំលោភសេពសន្ថវៈលើអនីតិជនបានសម្រេច១ដង នៅចំណុចផ្ទះជនរងគ្រោះ ស្ថិតក្នុងភូមិធ្លកយុល ឃុំស្រែសំរោង ស្រុកជុំគីរី ខេត្តកំពត។
លោកគិត ដារ៉ា អធិការនគរបាលស្រុកជុំគីរី បានឲ្យដឹងថា កាលពីវេលាម៉ោងប្រមាណជា៤រសៀលថ្ងៃទី២៦ ខែធ្នូ ឆ្នាំ២០១៥ ជនសង្ស័យឈ្មោះសំ ហិល អាយុ៤៧ឆ្នាំ បានឆ្លៀតឱកាសធ្វើសកម្មភាពរំលោភទៅលើក្មេងស្រីម្នាក់ជ.ផ អាយុ១៤ឆ្នាំរហូតបានសម្រេច១លើក ខណៈឪពុកម្ដាយបងប្អូនក្មេងរងគ្រោះមិននៅផ្ទះ។
លោកអធិការបានឲ្យដឹងទៀតថា ក្រោយពីបានទទួលពាក្យបណ្ដឹងរបស់ឪពុកម្ដាយជនរងគ្រោះរួចមក កម្លាំង ក៏ឈានទៅឃាត់ខ្លួនជនសង្ស័យខាងលើ ដែលជាមនុស្សស្រវឹងខួប ហើយនៅរសៀលដដែលនោះដើម្បីកសាងសំណុំរឿងបញ្ជូនទៅតុលាការចាត់ការតាមផ្លូវច្បាប់៕
ចាប់រំលោភក្មេងស្រីម្នាក់រហូតបានសម្រេច ខណៈនាងនៅផ្ទះតែឯង
0 Comments