សៀមរាប ៖ សមត្ថកិច្ចនគរបាលប្រឆាំងគ្រឿងញៀននៃស្នងការដ្ឋាននគរបាលខេត្តសៀមរាបនៅ
តែបន្តធ្វើការបង្ក្រាបអ្នកជួញដូរគ្រឿងញៀន និងប្រើប្រាស់នូវសារធាតុញៀនខុសច្បាប់នៅខេត្តសៀមរាបឲ្យដូចភ្លៀងរលឹម។
ជាក់ស្តែងកាលពីថ្ងៃទី០៨ ខែធ្នូ ឆ្នាំ២០១៥ នៅភូមិភ្ញាជ័យ សង្កាត់ស្វាយដង្គំ ក្រុងសៀមរាប ជនសង្ស័យចំនួន០៣នាក់ ត្រូវបានឃាត់ខ្លួន ខណៈពួកគេទាំង៣នាក់នោះកំពុងជួញដូរ និងប្រើប្រាស់។ ប្រតិបត្តិការចុះធ្វើការបង្ក្រាបនេះដឹកនាំដោយលោកវរសេនីយ៍ទោ អ៊ុំ សាអាត នាយការិយាល័យនគរបាលប្រឆាំងគ្រឿងញៀននៃស្នងការនគរបាលខេត្តសៀមរាប ហើយឈានដល់ធ្វើការឃាត់ខ្លួនបានជាបន្តបន្ទាប់បញ្ជូនមកកាន់ការិយាល័យនគរបាលប្រឆាំងគ្រឿងញៀនដើម្បីធ្វើការសួរនាំ។
ជនសង្ស័យទាំង៣នាក់ ដែលពាក់ព័ន្ធទៅនឹងករណីជួញដូរ និងប្រើប្រាស់គ្រឿងញៀនត្រូវបានសមត្ថកិច្ចធ្វើការឃាត់នេះ ១ឈ្មោះ ថយ ចិត្ត ភេទប្រុស អាយុ២៧ឆ្នាំ មុខរបររត់ម៉ូ រស់នៅភូមិគោករលួស ឃុំដំដែក ស្រុកសូត្រនិគម ខេត្តសៀមរាប ២ឈ្មោះ ទ្បុង រដ្ឋា មុខរបរជាងផ្សារដែកនៅផ្សារ ភេទ ប្រុស អាយុ៣០ឆ្នាំ មានស្រុកកំណើតនៅភូមិវត្តសៀ ឃុំចំការសំរោង ខេត្តបាត់ដំបងបច្ចុប្បន្នសា្នក់នៅក្រុងសៀមរាប ៣ឈ្មោះ សុវណ្ណ ពិសិដ្ឋ មុខរបរសិស្សថ្នាក់ទី១១វិទ្យាល័យអង្គរ ភេទប្រុស អាយុ១៩ឆ្នាំ រស់នៅភូមិចំការអណ្តូង ឃុំចំការលើ ស្រុកចំការលើ ខេត្តកំពង់ចាម បច្ចុប្បន្ន ស្នាក់នៅក្រុងសៀមរាប។ អ្នកទាំង០៣នាក់នេះត្រូវបានសមត្ថកិច្ចឃាត់ខ្លួនបានជាបន្តបន្ទាប់ពីបទករណីប្រើប្រាស់ និងជួញដូរនូវសាធាតុញៀន។
លោកវរសេនីយ៍ទោ អ៊ុំ សាអាត នាយការិយាល័យនគរបាលប្រឆាំងគ្រឿងញៀនបានបញ្ជាក់ថា ជនសង្ស័យទាំង០៣នាក់ ដែលត្រូវបានសមត្ថកិច្ចយើងបានធ្វើការឃាត់ខ្លួនពីបទប្រើប្រាស់នូវសារធាតុញៀន ហើយក្រោយពីធ្វើការសួរនាំរួចសមត្ថកិច្ចបានរៀបចំសំណុំរឿងជនសង្ស័យទាំង០៣នាក់ទៅកាន់តុលាការ ដើម្បីចាត់ការតាមច្បាប់៕
ឃាត់ខ្លួនជនសង្ស័យ៣នាក់ ពាក់ព័ន្ធករណីជួញដូរគ្រឿងញៀន
0 Comments