ភ្នំពេញ ៖ សម្រាប់ឱកាសឆ្នាំថ្មី២០១៦ ដែលកំពុងតែចូលមកដល់ពេលនេះ គេសង្កេតឃើញមានយុវវ័យ និងប្រជាពលរដ្ឋខ្មែរភាគច្រើន នាំគ្នាសម្តែងអារម្មណ៍រីករាយ រំភើបសប្បាយចិត្តដើម្បីអបអរឱកាសឆ្លងឆ្នាំសកល។ ពិសេសក៏ជាឱកាសមួយ ដែលត្រូវបានជួបសប្បាយរវាងក្រុមគ្រួសារនិងមិត្តភក្តិផងដែរ។
ស្របពេលជាមួយគ្នា នៃការអបអរស្វាគមន៍ឱកាសឆ្នាំសកល២០១៦នេះ ដែរក៏មានការសរសេរផ្ញើសារជួនពរឲ្យគ្នាទៅវិញដើម្បីឲ្យមានជោគមានជ័យ និងសេចក្តីសុខ នាឱកាសបំណាច់ឆ្នាំចាស់២០១៥ឆ្លងចូលឆ្នាំ២០១៦នេះផងដែរ។ ដោយឡែកមិនខុសគ្នាពីប្រជាពលរដ្ឋធម្មតានោះទេសូម្បីតែអតីតតារាសម្ដែង និងប្រធានគមនាគមន៍សិល្បករខ្មែរលោក សុះ ម៉ាច ក៏សរសេរបង្ហោះសារជូនពរមិត្តភក្តិនិងប្រជាពលរដ្ឋខ្មែរទូទាំងប្រទេសសម្រាប់ឱកាសឆ្នាំថ្មីនេះដែរ។
ប៉ុន្តែអ្វីដែលកាន់តែពិសេសជាងនេះទៀតនោះ ត្រង់ថាដើម្បីទទួលយកសិរីសួស្ដីព្រមទាំងលាភសំណាង និងភាពជោគជ័យ ក្នុងឱកាសឆ្នាំថ្មីប្រធានសមាគមសិល្បករខ្មែរលោក សុះ ម៉ាច សុខចិត្តលះបង់កោរជម្រុះរោម ……ចោលពីខ្លួនដោយគ្មានការសោកស្តាយអ្វីបន្តិចសោះឡើយ។ លោក សុះ ម៉ាច សរសេរដូច្នេះថា ថ្ងៃនេះខ្ញុំប្រើពណ៌ឆើតឆាយលាយនិងស្នាមញញឹមពព្រាយជម្រុះចោលឲ្យអស់នូវឧបទ្រុបចង្រៃរឿងរ៉ាវអាក្រក់ៗទាំងឡាយ និង ក្តីសោកហ្មងសៅក្តៅក្រហាយក្នុងចិត្តឆេវឆាវមួរម៉ៅ។
លោក សុះ ម៉ាច បានបញ្ជាក់ទៀតថា និយាយជារួមទៅ សូម្បីតែរោមក្លៀក ក៏កោរជម្រុះចោលដែរ! ដើម្បីឲ្យវាដុះរោមថ្មី ឯរោមកន្លែងដទៃនោះ បើសិនជាមានទាស់ក្នុងហរទ័យ ក៏នឹងកោរចោលគ្មានត្រាប្រណីដែរជាមួយខ្ញុំស្មោះ! ព្រោះថា ដើម្បីសុខដុមរមនាឆ្នាំថ្មីនឹងមកដល់កណ្ដាលអធ្រាត្រនេះហើយ!។ សូមជូនពរមិត្តទាំងអស់បានរស់នៅដោយសុខកាយសប្បាយចិត្ត ត្បិតចាកផុតរោគា
ហូរហៀរដោយទ្រព្យគាប់ចិត្តចៅហ្វាយនាយឡើងយសខ្ពស់ក្រៃ ក្រុមគ្រួសារបងប្អូនក៏សុខសប្បាយញាតិទាំងឡាយ ក៏អស់ទុក្ខភ័យជួបតែក្តីសមតាមបំណង៕
សុះ ម៉ាត ៖ ដើម្បីជម្រះឧបទ្រុបចង្រៃ សូម្បីតែរោម…..ក៏កោរជម្រុះចោលដែរ
0 Comments